Ўтган ўқув йилида икки набирам мактабнинг 1-синфига борди. Байрам байрамга уланди. Мактабда «Билимлар куни»ни нишонлаб қайтган набираларим сумка тўла китобларини кўз-кўз қилишарди. Уларнинг хурсандчилигининг чеки йўқ эди. Шу куни мактабда «Президент сов-ғаси» сифатида набираларимга берилган китобларни кўриб, ҳайратим ошди. «Алифбо», «Метематика», «Ўқиш китоби», «Она тили» китобларидан ташқари «Инглиз тили», «Одобнома», «Атрофимиздаги табиат», «Жисмоний тарбия», «Меҳнат» китоб-лари бор эдики, бундан ҳар бир ота-она, албатта чексиз хурсанд бўлади. Ахир бу китоблар фарзандларимизни чуқур билимли, дунёқараши, тафаккури кенг бўлишига хизмат қилади-да! Ана шу онларда ёшлик даврларим ёдимга тушди. Пастқам, авария ҳолатидаги эски бинони мактаб деб атардик. Латтадан тикилган халта сумка вазифасини бажарар, унда ҳам нари борса иккита йиртилиб, увадаси чиқиб қолган китоб, сиёҳдон, пероли ручка бўларди. Дарсликлар етишмаслиги сабаб, битта синф икки-учта китобни навбати билан ўқирдик.
Ватан – ягона, Ватан – бетакрор. Шу боис, унинг ҳар қарич ерини зарга, ҳар ҳовуч тупроғини олтинга қиёс этамиз. Она заминимизни муқаддас билиб, ҳар бир неъматини кўзимизга тўтиё айлаймиз. Истиқлол эса ана шу эзгу анъаналаримиз, туйғуларимизга жўшқинлик бағишлади. Ватаннинг қадр - қимматини янада теранроқ англаб етишга ундайди.
Биз бугун мустақил давлат ва жамият қуриш, халқимиз учун ҳеч кимдан кам бўлмаган фаровон ҳаёт барпо этиш йўлида тарихан қисқа, лекин бир неча ўн йиллар, балки асрларга тенг келадиган йўлни босиб ўтдик.
Ўзбекистон мустақилликнинг дастлабки йиллариданоқ «шок терапияси»дан воз кечган ҳолда, ислоҳотлар сиёсатини ўтказди. Бош ислоҳотчи ва ташаббускор бўлишдек оғир вазифани давлат ўз зиммасига олди. Иқтисодиётнинг сиёсатдан устунлиги, қонун устуворлиги ва кучли ижтимоий сиёсат қарор топди.
Ота-боболаримиз орзу қилган кунларга етказгани учун шукр қиламиз. Президентимизнинг Муборак Рамазон ойини муносиб тарзда ўтказиш, Рамазон ҳайитини кенг нишонлаш мақсадида бу қутлуғ кунни дам олиш куни деб эълон қилиш ҳақидаги қарорларини мустақил юртимиз тарихидаги улкан воқеалар қаторига қўшсак арзийди. Мустақил- лик – биз учун ҳам имон, ҳам ахлоқ, ҳам диёнат, ҳам маърифат бўлган ота-боболаримиз динини қайтариб берди. Уни асраб – авайлаш муқаддас бурчимиз.
Мустақиллик маънавиятини, унинг бугунги даражасини кўпчилигимизнинг кўнглимиздан ўтадиган «Кеча ким эдигу, бугун ким бўлдик?» деган савол билан белгилаш ва унга жавоб бериш билан чуқур анг-лаш мумкин. Мустақилликни қадрига етиш учун мустақилликка қадар халқимиз бошидан кечирган қора кунларни, ўша давр ижтимоий-сиёсий, иқтисодий манзарасини чуқур ўрганиш талаб этилади.
Инсоннинг ўзи туғилиб, ўсган юрти, ёр-дўстлари ва яқинлари билан боғловчи Ватанини севиши, ардоқлаши иймон ифодасидир. Шундай экан, Ватанга муҳаббат қўйиш, унинг равнақи йўлида куч-ғайрат сарфлаш барчамизнинг фарзандлик бурчимиздир. Давлатимиз раҳбари Ислом Каримовнинг «Биз ҳаётга катта орзу – умидлар билан кириб келаётган ёшларимизга бир ҳақиқатни, яъни: «Эй болам, сенинг Ватанинг битта, барчамизга азиз, бетакрор мана шу Ўзбекистон. Ота-боболаринг хоки шу ерда ётибди. Шу муқаддас замин сени дунёга келтирган, сен уни обод этишинг, ҳимоя қилишинг шарт. Нафақат сенинг ўз ҳаётинг, балки сенга умид кўзини тикиб турган ота-онанг, опа-сингилларинг, ёш гўдаклар, нуроний қарияларимизнинг ҳаёти ҳам шу бурчингни нечоғлик адо этишингга боғлиқ деган тушунчани уларнинг қалбига, онгу шуурига сингдиришимиз зарур», деган даъватлари биз, ёшларни Ватанни саждагоҳ, қиблагоҳ каби улуғлаб яшашга ундайди. Халқимизнинг асл фарзандлари Ватан туйғуси билан яшаб ўтганлар. Улар Ватан озодлиги, мустақиллиги йўлида курашган, уни куйлаган, унинг ишқи билан ёнган. Улар учун Ватан онадек муқаддас, иймон қадар юксак эди. Шунинг учун ҳам улар Ватанни «қиблагоҳ», «саждагоҳ» деб атаганлар.
Президентимизнинг «Ўзбекистон Республикаси давлат мустақиллигининг йигирма беш йиллик байрамига тайёргарлик кўриш ва уни ўтказиш тўғрисида»ги Қарорида Мустақиллик байрамига бағишлаб, аҳолининг кенг қатламлари ўртасида учрашув ва суҳбатлар, адабий-бадиий кечалар, маданий – маърифий тадбирлар ўтказишга алоҳида эътибор қаратиш белгиланган.
Вилоятимизнинг таниқли олимлари, адибларидан иборат маънавий ва маърифий тарғибот гуруҳининг аҳоли билан учрашувлари мароқли ва эсда қоларли кечмоқда. Туман ҳокимлигининг мажлислар залида бўлиб ўтган тадбирда дастлаб НамДУ доценти Н. Деҳқонов Президентимизнинг Шанхай ҳамкорлик ташкилотининг Тошкент саммитида сўзлаган нутқи ҳамда Қашқадарё ва Сурхондарё вилоятларига ташрифлари ҳақида сўзлаб берди.
Бугун биз бошимиздан кечираётган ўта таҳликали замонда, ён-атрофимизда турли таҳдид ва хатарлар кучайиб бораётган бир шароитда энг катта ва бебаҳо бойлигимиз бўлган тинчлик ва осойишталикни кўз қорачиғидек асраш, миллатлар ва фуқаролараро дўстлик ва ҳамжиҳатлик, ўзаро ҳурмат ва меҳр – оқибат муҳитини янада мустаҳкамлаш, доимо ҳушёр ва огоҳ бўлиб, тинчлик учун курашиб яшаш ҳал қилувчи аҳамиятга эга.
Халқимиз тинчлик ва омонликни беҳад қадрлайди. Истиқлол йилларида муҳтарам Президентимиз раҳнамолигида юртимизда тинчлик ва осойишталикни сақлаш йўлида амалга оширилаётган улуғвор ишлардан қалбимиз қувончга тўлади ва мана шундай доруломон кунларга етказгани учун шукр қиламиз. Аммо дунёнинг қайси бир бурчагида тараққиёт ва фаровонликни кўролмайдиган ғаразли кучлар қайта-қайта қабиҳ ишларга қўл уришда давом этмоқда. Бу эса бизларни ҳамиша огоҳ ва ҳушёр бўлишга, юртимизда ҳукм сураётган тинчлик ва осойишталикни қадрига етиб, уни асраб-авайлашга ундайди.
-Президентимизнинг шу йил 2 июнь куни эълон қилинган "Ўзбекистон Республикаси давлат мустақиллигининг йигирма беш йиллик байрамига тайёргарлик кўриш ва уни ўтказиш тўғрисида"ги Қарорида "эртанги кунимизнинг таянчи ва суянчи бўлмиш ёш авлодимизнинг янгича, мустақил фикрлайдиган, замонавий билим ва касб-ҳунарларни пухта эгаллаган, шу юртнинг ҳақиқий эгаси, ватанимизнинг тақдири ва келажаги учун масъулиятни ўз зиммасига олишга қодир инсонлар бўлиб вояга етаётганликлари" алоҳида таъкидланди. Шу маънода қарор байрам тадоригини бошлаб юборган ҳамюртларимиз учун ўзига хос дастуриламалдир.
Ҳар қандай давлатнинг тарихий тараққиёти негизида вужудга келган, ўзликни англаш, миллий онг ва тафаккурнинг инъикоси, авлодлар ўртасидаги руҳий-маънавий боғлиқлик воситаси, мамлакатда истиқомат қилаётган турли миллат ва элатлар якдиллигини ифода этадиган, давлат доирасида ва давлатлараро муносабатларда ўзаро мулоқот воситаси ҳисобланган, қонуний мақомга эга бўлган ҳамда қонун билан ҳимояланган расмий тили давлат тилидир.
Собиқ шўролар ҳукмронлиги пайтида давлат тили ҳақида гапириш умуман мумкин бўлмаган. Шу боис ҳам Ўзбекистонда ўзбек тилига давлат мақоми бериш осон кечмади.
O’zLiDeP туман кенгаши тадбирлар режасига кўра, жойларда Президентимиз Ислом Каримовнинг мамлакатимизда 2015 йилда ижтимоий – иқтисодий ривожлантириш якунлари ва 2016 йилга мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамасининг мажлисидаги «Бош мақсадимиз – мавжуд қийинчиликларга қарамасдан, олиб бораётган ислоҳотларни, иқтисодиётимизда таркибий ўзгаришларни изчил давом эттириш, хусусий мулкчилик, кичик бизнес ва тадбиркорликка янада кенг йўл очиб бериш ҳисобидан олдинга юришдир» номли маърузаси мазмун – моҳиятига бағишлаб, жойларда давра суҳбатлари ташкил этилмоқда. Ана шундай тадбирлардан бири «Баҳористон» ҚВПда ўтказилди.
Президентимизнинг жорий йил 2 июндаги «Ўзбекистон Республикаси давлат мустақиллигининг йигирма беш йиллик байрамига тайёргарлик кўриш ва уни ўтказиш тўғрисида»ги Қарорида истиқлолимизнинг 25 йиллик тантаналарини муносиб ўтказиш билан боғлиқ вазифалар белгилаб берилди.
Ўтган чорак асрдаги ҳар бир йил беқиёс ютуқларга бой бўлди. Турли номлар билан аталган йилларда иқтисодий, ижтимоий-сиёсий, маданий-маърифий соҳаларда қўлга киритилган улкан муваффақиятлар ҳақида кўп ва хўп гапириш мумкин.
Мустақилликнинг 25 йиллиги олдидан газетамизда «Истиқлол солномаси» рукни ташкил этиб, энг муҳим воқеа-ларни ёритиб боришни лозим топдик.
1991 йил – Алишер Навоий йили
31 август. Тошкентда Республика Олий Кенгашининг Навбатдан ташқари VI сессияси бўлиб ўтди. 1 сентябрь – Мустақиллик куни деб эълон қилинди. Ўзбекистон Республикасининг давлат мустақиллиги асослари тўғрисидаги Қонун қабул қилинди.
Мозийга бир назар
Фойдали ҳаволалар
