Ўзбекистон Республикаси Президенти Ислом Каримовнинг “Она юртимиз бахту иқболи ва буюк келажаги йўлида хизмат қилиш – энг олий саодатдир” номли китоби “Ўзбекистон” нашриёти томонидан кўпминг нусхада чоп этилди.

Маълумки, 2015 йил 29 март куни юртимизда улкан сиёсий воқеа – Ўзбекистон Республикаси Президентлигига сайлов бўлиб ўтди. Ҳар томонлама юқори савияда, муқобиллик асосида ўтган бу сайлов мамлакатимизни демократик ривожлантириш йўлида муҳим, ҳал қилувчи босқич бўлиб, халқимизнинг ўз кучи ва салоҳиятига бўлган ишончи нақадар мустаҳкам экани, унинг сиёсий-ҳуқуқий онги, ижтимоий фаоллиги, Ватанимиз тақдири учун дахлдорлик ҳисси тобора ортиб бораётганини яна бир бор намоён этди.

Мустақиллик шарофати билан муқаддас Ватан тушунчаси янада теран маъно касб этмоқда.

Чунки, шу улуғ заминда яшаб, унинг неъматларидан баҳраманд бўлаётган, унинг ардоғида яйраб, завқланиб, униб - ўсаётган ҳар бир киши шукрона келтиришни, бетакрор жаннатмакон юртнинг қадр - қимматига етиш муқаддас бурчи эканлигини янада чуқурроқ англамоқда.

Мустақиллик бизни Ватанни саждагоҳ каби муқаддас билишга, ардоқлашга ундамоқда. Ҳа, она – Ватан мустақиллиги бебаҳо неъмат. Бу кунларга етишиш учун халқимиз асрлар давомида интилиб яшаган ва курашган.

Ўзбекистон Республикаси Президентининг «Ўзбекистон Республикаси Давлат мустақиллигининг йигирма тўрт йиллик байрамига тайёргарлик кўриш ва уни ўтказиш тўғрисида»ги Қарори кенг жамоатчилик томонидан илиқ кутиб олинди. Таҳририятимизга ўзгача фахр-ифтихор туйғулари билан дил изҳорларини баён этиб қўнғироқ қилаётган кўплаб юртдошларимизнинг талаб ва истакларини ҳисобга олиб, уларнинг фикр-мулоҳазаларини қандай бўлса шундайлигича оддий тилда газетада ёритишни мақсад қилдик.

Ёқубжон Эшматов,

«Нуроний» жамғармаси туман бўлими раиси:

Тинч, осойишта яшаш, фарзандлар камолини кўриш инсон ҳаётининг маъносидир. Ана шу мақсад йўлида елиб-югуриб меҳнат қиламиз, эзгу ва хайрли ишларга бош қўшамиз. Бунинг самараси юрт ободлиги ва ҳаётимиз фаровонлигида намоён бўлмоқда. Бундай имкониятни эса бизларга истиқлол берди. Мустақиллик шарофати билан эзгу мақсадларимиз рўёбини кўраяпмиз, тинч, беғубор осмон остида хотиржам яшаш бахтини туйяпмиз. Мана, йигирма тўрт йилдирки, бирон бир кунимиз беиз кетмаяпти, янгиланиш, ўзгаришларга лиммо-лим ҳаётимиз янада мазмунли, янада файзли ўтмоқда. Албатта, бу кунларга етказганига шукр қиламиз ва беихтиёр «Кеча ким эдигу бугун ким бўлдик!» деган савол хаёлимиздан ўтади.

 Кексаларимиз ёшларни кўпинча «Нондек мўътабар бўлинг», «Нондек азиз бўлинг» деб дуо қиладилар. Бу дуоларда ўзига хос ҳикмат, эҳтиром мужассам. Мамлакатимиз гербида ҳам ғалла бошоғи тасвири туширилгани ҳам халқимизнинг буғдойга, нонга алоҳида ҳурмат-эътибори ифодасидир. Зеро, нон дастурхонимиз кўрки, фаровон ҳаётимиз белгисидир.

ҒАЛЛА МУСТАҚИЛЛИГИ

Биз қуйида қаламга олмоқчи бўлган мавзу ҳақида ҳар куни, ҳар сонияда қайта-қайта ёзишдан асло чарчамаймиз. Зеро кечаги кунимизни унутмасак, бугунги кунни қадрига етамиз. Бизнингча ҳар биримиз кунига бир марта кеча ким эдигу, бугун ким бўлдик, деган саволни ўзимизга бериб кўрсак, кечаги кун билан, бугунги кунни солиштирсак, қиёсласак бугунги доруломон кунлар осонликча қўлга киритилмаганига амин бўламиз.

Мустақилликнинг дастлабки йилларидан фермерлик ҳаракатининг авж олдирилиши бугун ўз самарасини бермоқда. Бу биринчи навбатда, қишлоқда фермерларнинг етакчи куч, ер ва мулк эгасига айланишида намоён бўлмоқда.

Мен ҳам фермер деган шарафли номга эга бўлган қишлоқ фуқароларидан бириман. Ўтган йиллар давомида ерга меҳр бериб ишлаб, кам бўлмаяпмиз. Ҳар йили пахта ва ғалладан мўл ҳосил олиб, контрактация шартномасини ортиғи билан бажариб келяпмиз. Бу йил ҳам давлатга пилла, ғалла топшириш режаларини ошириб уддаладик. Ғўзамиз ривожи баравж. Бунга агротехник тадбирларни вақтида, сифатли амалга ошириш эвазига эришяпмиз.

Оила жамиятнинг асосий бўғини, унинг фаровонлиги миллий фаровонлик асосидир. Оила соғ экан, жамият мустаҳкам, мамлакат барқарордир.

Истиқлол йилларида жонажон юртимизда оилани мустаҳкамлаш, унинг ҳимоя қилишнинг ҳуқуқий асосини таъминлаш, оналик ва болаликни муҳофаза қилиш бўйича кенг кўламли ишлар амалга оширилмоқда.

Юртимизда 9 май - Хотира ва қадрлаш куни «Жасорат, бурч, матонат» шиори остида кенг нишонлан-моқда.

Нуроний қарияларимизга ҳурмат, эҳтиром кўрсатиш миллий ва умуминсоний қадриятларимиздан. Жорий йилнинг «Кексаларни эъзозлаш йили» деб эълон қилинишида ҳам ана шу мақсад мужассам бўлиб, шубҳасиз бу ибратли ташаббус қадриятларимизни янада бойитишга хизмат қилади.

Хусусан, 9 май-Хотира ва қадр-лаш куни муносабати билан уруш ва меҳнат фронти қатнашчиларига алоҳида эҳтиром кўрсатилмоқда.

Сайловлар мамлакатимизда амалда бўлган ҳуқуқий нормаларнинг нечоғлик демократик руҳда эканини намоён этадиган, демократик ҳуқуқий давлатнинг узвий белгиси, халқнинг ўз хоҳиш-иродасини эркин ифода этиши, фуқароларнинг давлат ва жамият бошқарувидаги иштирокининг асосий шакли бўлиб, ҳал қилувчи аҳамиятга эга жараёндир.

Юртимизда давлат ҳокимияти органларини демократик сайловлар орқали шакллантириш бўйича умумэътироф этилган халқаро принциплар ва ҳуқуқий нормаларга мос келадиган миллий сайлов қонунчилиги яратилди. Ўтган даврда Ўзбекистонда сайлов тизими ва жараёни бўйича ташкилий-ҳуқуқий механизмларни таъминлашга хизмат қилувчи «Фуқароларнинг сайлов ҳуқуқлари кафолатлари тўғрисида»ги, «Ўзбекистон Республикаси Президенти сайлови тўғрисида»ги, «Ўзбекистон Республикаси Олий Мажлисига сайлов тўғрисида»ги, «Халқ депутатлари вилоят, туман ва шаҳар Кенгашларига сайлов тўғрисида»ги ва «Ўзбекистон Республикаси Марказий сайлов комиссияси тўғрисида»ги қонунлар қабул қилинди.

Ўзбекистон “Адолат” социал-демократик партиясидан Ўзбекистон Республикаси Президентлигига номзод    Наримон Умаров 19 март куни Наманган вилояти сайловчилари билан учрашди.

Учрашувни Ўзбекистон Республикаси Президенти сайловини ўтказувчи 6-Наманган округ сайлов комиссиясининг раиси Ғ.Ортиқов очди. Президентликка номзоднинг ишончли вакили О.Мақсудов йиғилганларни номзоднинг таржимаи ҳоли билан таништирди.

Ўзбекистон Республикаси Президентлигига номзод Наримон Умаров ўз сайловолди дастури юзасидан нутқ сўзлади.

Дастурда «Инсон – мамлакатнинг асосий бойлиги», «Адолат – ҳаётимизнинг бош мезони», «Адолат – ҳар бир инсон учун» тамо-йилларини кенг кўламда жамиятга жорий этиш, ёшидан, миллатидан, ижтимоий-иқтисодий аҳволи, келиб чиқишидан қатъи назар, барчага тенг имкониятлар тақдим этиш, ижтимоий адолат тамойиллари, фуқаролар ҳуқуқлари, қонуний манфаат ва эркинликларини ҳимоя қилиш каби муҳим вазифаларга алоҳида эътибор қаратилган.

Мамлакатимиз Президентининг «Чет тилларни ўрганиш тизимини янада такомиллаштириш чора-тадбирлари тўғрисида»ги Қарори ижросини таъминлаш педагог-мутахассисларнинг долзарб вазифаларига айланган. Ана шу мақсадни кўзлаб, инглиз тили мутахассисларининг узлуксиз малакаларини ошириб боришда таянч мактабларининг ташкил этилиши айни муддао бўлди. Жумладан, туманимизда ҳар жума куни мактаблар инглиз тили ўқитувчилари учун курслар ташкил этилди.

Машғулотларни тажрибали инглиз тили ўқитувчилари Ф. Сатторова, Ж. Мамадалиев ва Г. Тожибоевалар олиб боришмоқда.

Сайт материалларидан фойдаланилганда www.kosonsoynoma.uz манбаси кўрсатилиши шарт.

Сайт Наманган вилояти ҳокимлигининг Компьютерлаштириш маркази томонидан ишлаб чиқилган.