30 ёшдан ошган аёлларни хатловдан ўтказиш, эҳтиёжманд, ишсиз, тадбиркорлик қилиш истагини билдирган қатламни аниқлаб, «Аёллар дафтари»га киритиш топшириғи асосида иш олиб борар эканмиз, барча маҳалла фуқаролар йиғинлари ва туман штабларида  ташкил этилган ишчи гуруҳлар томонидан 35 мингдан зиёд 30 ёшдан юқори ёшдаги хотин-қизлар ўртасида сўровномалар ўтказилди. Натижага қараб, 1500 га яқин аёллардаги мавжуд муаммолар юзасидан рўйхатлар тузилди. Асосий эътибор ишсизлик, бандликни таъминлаш, қисқа курсларда қайта касбга тайёрлаш, кредит олиш масалаларига қаратилди. Шунингдек,   томорқадан фойдаланиш истагида бўлган, боқувчисини йўқотган, ижтимоий ёрдамга муҳтож ҳамда ногиронлиги  бўлганларни рўйхатга киритиш ва уй-жойларини таъмирлашга муҳтож, 1-гуруҳ ногиронлиги бўлганлар, нотурар жойларда истиқомат қилаётганлар, қарамоғида бир ва ундан ортиқ ногиронлиги бўлган болалари мавжуд ёлғиз оналарнинг талаб-истаклари асосида иш олиб бориш ҳам диққат марказимиздан ўрин олди. Айниқса, тиббий ёрдамга муҳтож, ҳуқуқий, психологик маслаҳатга муҳтож аёлларни рўйхатлари шакллантирилди.

Тарихингдир минг асрлар ичра пинҳон ўзбегим. Эркин Воҳидов. Буюк Ватан буюклигингни Билиб-билмай тан олган дунё. Буюкларнинг ватан тупроғи Бўлғусидир кўзга тўтиё. Битилмаган достон Туроним, Бетакрорим, Ўзбекистоним!   Тарихингни ўқийман такрор, Етолмасман ибтидосига. Ҳайратдаман фарзандларингнинг Илму урфон ихтиросига. Сир дарёси, сирлар маконим, Сирларга кон, Ўзбекистоним.  

Туманимизда кичик саноат зоналарини ташкил этиш орқали корхоналарнинг ишлаб чиқариш қувватини кучайтириш, янги иш ўринлари яратишга алоҳида эътибор қаратилмоқда. Ҳозиргача бир неча ана шундай ҳудудлар жорий қилинди. Янги йилда яна бир - "Намуна" кичик саноат зонаси (КСЗ)ни барпо қилишга киришилди. Ер майдони 26,2 гектардан иборат бўлган КСЗда умумий қиймати 206 млрд. 700 млн. сўмликдан иборат 28 та лойиҳани рўёбга чиқариш кўзда тутилган. Шунингдек, лойиҳаларда режалаштирилган ишларни амалга ошириш учун 2 млн. 500 минг АҚШ доллари қийматидаги хорижий инвестиция киритилади. Энг асосийси, барча тизим тўла қувват билан ишга тушса, 1 минг 790 та иш ўринлари яратилади.

Боғларга хавф солувчи зараркунандалар ичида карантинга киритилган Шарқ мевахўри, Калифорния қалқондори ва комсток қуртларидир. Бу зараркунандалар ичида Калифорния қалқондори кўчат ва меваларни кучли зарарлаши билан ажралиб туради. Ҳозирги кунда мазкур зараркунанда вилоятимизнинг Мингбулоқ, Наманган, Норин, Уйчи ва Учқўрғон  туманларида  тарқалганлиги аниқланиб, туман инспекторлари томонидан қарши кураш ташкил этилган ва назорат кучайтирилган.  Зараркунандани йўқотиш учун аҳоли томорқалари ва фермер хўжаликлари дала майдонларида, боғ ҳамда токзорларда агротехник, кимёвий курашни ташкил қилиш мақсадга мувофиқ. Шунда Калифорния қалқондори бошқа ҳудудларга тарқалишининг  олди олинади.

Савол: - Кекса ёшдаги кишиларга қараб турилган вақт пенсия стажига киритилиши ҳақида эшитганман, буни қандай расмийлаштирилади?                                                                                          А. Мукаррамов, Гўрмирон МФЙ. Жавоб: - Пенсия қонунига кўра 1 гуруҳ ногиронига, 16 ёшгача ногирон болага ва 80 ёшга тўлган кексаларга қараб туриш вақти пенсия тайинлашда иш стажига киритилади. Бунинг учун шундай шахсларга қараб турган кишининг ҳамда бу шахсларнинг паспорт нусхалари, ногиронликни белгиловчи ҳужжат, кекса ёшдаги шахсга ўзганинг парвариши зарурлиги ҳақидаги даволаш муассасасининг тиббий хулосаси пенсия жамғармаси бўлимига тақдим этилиши лозим. Бўлим ходими томонидан жойига бориб, қараб туришликнинг ҳақиқий ҳолатини тасдиқлаб далолатнома расмийлаштирилади. Бу ҳужжат ногирон ёки кекса ёшдаги шахснинг пенсия ишига тикиб қўйилади ва кейинчалик қараб турган шахсга пенсия стажи ҳисоблашда эътиборга олинади.