Ота-боболаримиз орзу қилган кунларга етказгани учун шукр қиламиз. Президентимизнинг Муборак Рамазон ойини муносиб тарзда ўтказиш, Рамазон ҳайитини кенг нишонлаш мақсадида бу қутлуғ кунни дам олиш куни деб эълон қилиш ҳақидаги қарорларини мустақил юртимиз тарихидаги улкан воқеалар қаторига қўшсак арзийди. Мустақил-  лик – биз учун  ҳам имон, ҳам ахлоқ, ҳам диёнат, ҳам маърифат бўлган ота-боболаримиз динини қайтариб берди. Уни асраб – авайлаш муқаддас бурчимиз.

Мустақиллик маънавиятини, унинг бугунги даражасини кўпчилигимизнинг кўнглимиздан ўтадиган «Кеча ким эдигу, бугун ким бўлдик?» деган савол билан белгилаш ва унга жавоб бериш билан чуқур анг-лаш мумкин. Мустақилликни қадрига етиш учун мустақилликка қадар халқимиз бошидан кечирган қора кунларни, ўша давр ижтимоий-сиёсий, иқтисодий манзарасини чуқур ўрганиш талаб этилади.

Яратганга шукурки, мустақиллик - эркин ва обод, фаровон яшашни, бошқалардан кам бўлмаслик туйғусини дилимизга жо этди.

Азизбек Султонов, «Имом Ҳусайн» жоме масжиди имом – хатиби.