Халқ депутатлари туман Кенгашида "Фаол тадбиркорлик, инновацион ғоялар ва технологияларни қўллаб-қувватлаш йили" Давлат дастури лойиҳаси муҳокамаси бўлиб ўтди.
Дастур лойиҳаси 237 банддан иборат. У Ўзбекистон Республикаси Президентининг 2017 йилнинг 22 декабрь куни Олий Мажлисга тақдим этган Мурожаатномасида келтирилган асосий ғоя ва таклифлар, шунингдек, 2017 - 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясида белгиланган асосий вазифаларни инобатга олган ҳолда ишлаб чиқилган.
Дастурда белгиланган давлат ва жамият қурилиши тизимини такомиллаштириш, қонун устуворлигини таъминлаш ва суд-ҳуқуқ тизимини янада ислоҳ қилиш, иқтисодиётни либераллаштириш, ижтимоий соҳани ривожлантириш, хавфсизлик, миллатлараро тотувлик ва диний бағрикенгликни таъминлаш ҳамда ташқи сиёсат соҳасидаги устувор йўналишлар ҳақида туман ҳокимлиги ҳуқуқшуноси Қ. Авезматов, Жиноят ишлари бўйича туман суди девонхона раҳбари К. Бакиев, туман молия бўлими мудири Э. Тошпўлатов, туман ҳокимининг ўринбосари И. Султонов, туман Кенгашининг доимий комиссияси раиси М. Акрамов ва бошқалар сўзга чиқдилар. Очиқ мулоқот тарзида ўтган муҳокама жараёнида Давлат дастури лойиҳаси юзасидан фикр-мулоҳазалар ва таклифлар билдирилди.
Миллий армиямиз - юртимиз тинчлиги ва осойишталиги рамзи. Она - Ватанни ҳимоя қилиш, унинг сарҳадларини кўз - қорачиғидек асраш - муқаддас бурч. Бу бурчни шараф ва масъулият билан адо этаётган мард ва жасур ўғлонларимиздан фахрланамиз.
"Истиқлол" мажмуасида ўтказилган байрам тадбирига туманимиздаги ҳарбий қисм ҳарбий хизматчилари, уларнинг оила аъзолари, жангчи-фахрийлар, нуронийлар вакиллари таклиф қилинди.
Байрам иштирокчиларини туман ҳокимининг ўринбосари, хотин-қизлар қўмитаси раиси Д. Валиева муборакбод этди.
Тадбирда ўз тақдирини она-Ватанимизни ҳимоя қилишдек муқаддас, шарафли ва масъулиятли бурчни бажаришга бағишлаган ҳарбий хизматчиларга алоҳида эҳтиром кўрсатилди.
Туман маданият бўлими санъаткорлари она - Ватан, Қуролли Кучларимиз, унинг сафларида хизмат қилаётган ўғлонларимизни мадҳ этувчи куй-қўшиқлар ижро этишди.
Мамлакатимиз Президентининг "Ўзбекистон Республикасининг Биринчи Президенти, буюк давлат ва сиёсат арбоби Ислом Абдуғаниевич Каримов таваллудининг 80 йиллигини нишонлаш тўғрисида"ги қарори халқимиз кўнглидаги ниятнинг ёрқин ифодаси бўлди.
Ислом Каримов халқимизнинг тинч ва фаровон ҳаёти, мамлакатимизнинг барқарор ривожланиши учун борлиғини, умрини бағишлаган, дунёда катта обрў-эътибор қозонган буюк давлат ва сиёсат арбоби эди. Унинг хотираси биз, ёшларнинг қалбимизда абадий яшайди.
Президентимиз қарорига мувофиқ 30 январь - Ислом Каримов таваллуди куни олдидан коллежимизда турли маданий-маърифий тадбирлар ўтказиш режалаштирилган. Ислом Каримов серқирра фаолияти, олижаноб инсоний фазилатлари билан ватанимиз тарихида ўчмас из қолдирганини ёшлар онгу қалбига сингдиришда бу каби тадбирларнинг тарбиявий аҳамияти катта.
“Ўзбекистон XXI аср бўсағасида: хавфсизликка таҳдид, барқарорлик шартлари ва тараққиёт кафолатлари” китоби дунё юзини кўрганига 20 йил бўлди
Халқимиз ўзининг кўпминг йиллик тарихи давомида ўта оғир ва машаққатли йўлни босиб ўтган ҳамда турли синовлар, қи-йинчиликларни мардонавор енгиб келган.
Буюк тарихимизда ўз эли, юртининг озодлигини ҳимоя қилиб, унинг мустақиллиги учун курашган халқ қаҳрамонлари етишиб чиққан. Ислом Каримовнинг номи ҳам ўша мард ва жасур қаҳрамонлар қаторида тарихимиз саҳифаларида зарҳал ҳарфлар билан жой олган.
Зеро, бундай қаҳрамонлар халқимиз қалбида абадий яшайди ва ёшлар онгу-шуурида миллий ифтихор, ўз ватанига меҳр-муҳаббат, садоқат, фахрланиш ва ватанпарварлик туйғуларини уйғотади.
Шу нуқтаи назардан мамлакатимиз Президентининг «Ўзбекистон Республикасининг Биринчи Президенти, буюк давлат ва сиёсат арбоби Ислом Абдуғаниевич Каримов таваллудининг 80- йиллигини нишонлаш тўғрисида»ги Қарори ўта муҳим тарихий воқеа бўлди.
Мамлакатимиз Президентининг Олий Мажлисга Мурожаатномасини беҳад тўлқинланиб ўқидим. Мурожаатномада мамлакатимизни ҳар томонлама ривожлантириш йўллари аниқ ва равшан белгилаб берилди.
Ҳа, бугунги тараққиёт ҳаётимизнинг ҳар бир жабҳасини қамраб олмоқда. Бизнинг бундай ўзгаришларга қай йўсинда муносабатда бўлишимиз эса ўзимизга боғлиқдир.
Юртбошимизнинг болалардан умидлари катта. Айниқса, ёш авлодни билимли, зукко ва шижоатли қилиб тарбиялашимизга ишонч билдирмоқдалар. Юртимизда қисқа вақт ичида кўплаб янги-янги таълим муассасалари бунёд этилди. Мавжудлари замон талаблари асосида таъмирланди.
Таълимнинг қуйи бўғини мактабгача таълим соҳасида ҳам катта ўзгаришлар юз берди. Бундан ташқари, ўқитувчиларни замон талабларига мос равишда билим ва кўникмаларга эга бўлишлари учун олий ўқув юртларида махсус сирт-қи бўлимлар ташкил этилди.
Бугунги фаровон ҳаёт, уйимиздаги қут-барака, бунёдкорлик ишлари - хуллас, жамики эзгу мақсадларнинг рўёби, аввало, тинчлик билан боғлиқ. Шукрки, мустақил диёримизда тинчлик, хотиржамлик ҳукм сур- моқда.
Қуролли Кучларимиз-миллий армиямиз Ватанимиз мустақиллиги, халқимизнинг тинч, осойишта ҳаётининг ишончли кафолати бўлиб келмоқда.
Собиқ тузум даврида армияга йигитлар соғлом-носоғломлигига қарамай ола-қуроқ кийимларда узоқ ўлкаларга олиб кетилган. Юртимиздан армияга чақирилган йигитлардан асосан қурилиш батальонларида, оғир ишларда фойдаланиларди. Буни биз, кекса авлод вакиллари яхши биламиз.
Бугун-чи? Бугун чақирилувчилар муддатли ҳарбий хизматга тиббий, жисмоний ва интеллектуал кўрик асосида саралаб олинмоқда.
Машҳур инглиз ёзувчиси Ог Мандино ўзининг “Яхши яшаш сири” номли китобида қадимий халқлардан қолган бир матални келтиради:
Мих йўқ эди,
От оқсаб қолди.
От оқсади,
Сардор ўқ еди.
Сардор ўлди,
Қўшин енгилди.
Ёв шаҳарга кирди,
Қилди кўп қирғин,
Нега?
Тақачида мих йўқлиги учун.
Кучли мантиқ асосида яратилган ушбу маталга ортиқча изоҳ беришнинг ҳожати йўқ.
Ҳар биримиз бирор юмуш билан кўчага отланар эканмиз, албатта автоуловга чиқамиз. Юртимизга кўз тегмасин . Бугун кўчаларимизни тўлдириб юрган бир-биридан замонавий автомобилларни кўриб кўзинг қувнайди, дилинг яйрайди. Мен ҳам ҳар кун эрталаб ана шу автоуловлардан бирига ўтириб ишга бораман. Ўзим ўтирган машина ҳайдовчисига кайфиятимни янада яхшилаб олиш мақсадида бирор бир қўшиқ қўйишини илтимос қиламан. (Ахир ота-боболаримиз эрталабдан қандай кайфиятда йўлга чиқсанг, бутун бир кунинг шундай ўтади деб бежиз айтишмаганку). Шу пайтда яхши қўшиқ эшитсанг ўз-ўзингдан қувонасан, дилинг ором олади.
Конституциямизда ҳар ким билим олиш ҳуқуқига эгалиги белгилаб қўйилган (41-модда).
Муҳтарам Президентимиз Шавкат Мирзиёев ташаббуслари билан мамлакатимизда ёшларга оид давлат сиёсати янги босқичга кўтарилди. Батамом янгиланган Ўзбекистон Ёшлар иттифоқи фаолиятини йўлга қўйилгани, янги ташкилот томонидан ёшларни ҳар томонлама қўллаб-қувватлаш устувор вазифа сифатида белгилангани мамлакатимизда алоҳида воқеа сифатида баҳоланмоқда. Айниқса, Ёшлар иттифоқи дастурида имконияти чекланган ёшларни алоҳида эътиборга олингани эътирофлидир.
Президентимизнинг жорий йил 1 декабрдаги «Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида»ги Фармони ногиронларга ғамхўрликнинг яна бир намунаси бўлди.
Болалигимда автоҳалокат туфайли ўнг оёғимдан ажралиб, II-гуруҳ ногирони бўлиб қолгандим. Руҳим чўкиб, тушкун кайфиятда юрган бир пайтимда ЎзХДП вилоят кенгаши «Истиқбол» ёшлар қанотининг бир гуруҳ фаол ёшлари мени йўқлаб келишди. Уларнинг руҳий-маънавий мадади, астойдил қўллаб-қувватлашлари туфайли ҳаётга бўлган муҳаббатим, келажагимга ишончим ортди. Яқинларим кўмаги ва мамлакатимизда мен каби ёшларга яратилаётган кенг имкониятлар олға қадам ташламоққа ундади. Параолимпиянинг сузиш тури билан шуғулланиб, икки карра Ўзбекистон чемпиони бўлдим. Инглиз тилидан IELTSдан 6 балл олишга эришдим, шунингдек, бадиий ижод билан шуғулланиб, қатор ютуқларни қўлга киритдим.
Бугун мамлакатимизда қишлоқ хўжалиги соҳасида олиб борилаётган ислоҳотларнинг туб мазмун-моҳиятида эл маъмурчилиги ва халқ фаровонлигини ошириш, ризқ яратувчи деҳқонлар меҳнатини эъзозлаш ётганини ҳар биримиз чин дилдан ҳис этаяпмиз.
Президентимиз ташаббуси билан декабрь ойининг иккинчи якшанбаси Ўзбекистон Республикаси қишлоқ хўжалиги ходимлари куни этиб белгиланганида ҳам юксак эътиборни яққол кўриш мумкин. Президентимиз қишлоқ хўжалиги ходимлари кунига бағишланган тантанали маросимдаги нутқида таъкидлаганидек, деҳ-қон бу - ҳаётнинг бақувват устуни, тирикликнинг мустаҳкам таянчи, десак, ҳеч қандай муболаға бўлмайди.
Наманган шаҳрида ташкил этилган байрамда нуроний отахонлару онахонлар, деҳқону фермер, чорвадору боғбонлар, қишлоқ хўжалиги корхоналари вакиллари ва кенг жамоатчилик иштирок этди.
Мамлакатимизда кексалик ва у билан боғлиқ ижтимоий жараёнларга жамият ривожланишининг муҳим ижтимоий масаласи сифатида алоҳида эътибор қаратилмоқда. Ёши улуғ инсонларга ҳурмат – эҳтиром, меҳр – оқибат кўрсатиш, маънавий ҳаётимиз ва қадриятларимизнинг ажралмас қисмидир, уларга кўрсатилаётган алоҳида эътибор, юксак маънавият белгисидир.
Давлатимиз раҳбарининг 2016 йил 28 декабрдаги «Ўзбекистон фахрийларни ижтимоий қўллаб-қувватлаш «Нуроний» жамғармаси фаолиятини янада такомиллаштириш чора-тадбирлари тўғрисида»ги Фармони кекса ёшдаги фуқароларни давлат томонидан қўллаб - қувватлаш тизими самарадорлигини янада ошириш, уларнинг мамлакат ижтимоий – сиёсий ҳаётида тўла ҳуқуқли иштирок этиши учун зарур шарт-шароитлар яратиш, катта авлоднинг жамият, оилалар ва маҳаллаларда тинчлик ва осойишталикни таъминлаш, ёш авлодни миллий анъаналаримизни ҳурмат қилиш руҳида тарбиялаш ишидаги ролини янада оширишда муҳим дастуруламал бўлиб хизмат қилмоқда.
Мозийга бир назар
Фойдали ҳаволалар
