Мактабимизда таббий фанлар ойлиги доирасида кимё фанидан туман миқёсидаги семинар бўлиб ўтди.
Ана шу семинар доирасида 10-синф ўқувчилари иштирокида очиқ дарс ўтказилди.
"Фаол тадбиркорлик ва инновацион ғоялар ва технологияларни қўллаб-қувватлаш йили" муносабати билан очиқ дарсга юқори синф ўқувчиларини касбга, тадбиркорлик фаолиятига йўналтиришни қамраб олган мавзу танланди. Унда ўқувчилар олган билим ва кўникмаларини ҳаётга татбиқ этиш малакасига эга бўлиши бош мақсад қилиб олинди.
Ўқувчилар гуруҳларга бўлиниб, Косонсой туманини иқтисодий ривожлантириш учун "Косметология", "Болалар ошхонаси", "Тиббиёт ва фармацевтика" соҳалари бўйича бизнес лойиҳалар ишлаб чиқариш бўйича баҳс ва мунозалар олиб боришди.
Кимё фанини чуқур ўрганиб, табиий ёғлардан косметологик ашёлар тайёрлаш ва бу соҳани туманда ривожлантириш бўйича Ш. Ҳасанжонова, М. Аббосхонова, М. Самадова, Б. Тошпўлатов, Э. Нўъмонов каби ўқувчиларнинг лойиҳалари семинар қатнашчиларига манзур бўлди.
"Авесто"да Наврўзнинг расман байрам қилиниши Зардуштнинг дунёга келиши билан боғланади. Зардушт баҳор кунларидан бирида қаҳқаҳа уриб туғилибди. Ўша куни олам нурга тўлиб, қуёш янада чарақлаб кетади. Бутун мавжудот ял-ял яшнайди, меваю зироатлар ғалла серҳосил бўлади, молу қўйлар эгизак туғишади, дарёю чашма сероб бўлади, мамлакат тинч, эл фаровон бўлади. Ана шу санани - баҳор ойи Фарфардининг 21 кунини Ахурамазда йилнинг биринчи куни - Наврўз дуб белгилашни буюради.
Бу Наврўз ҳақида узоқ ўтмишдан афсона. Бугун бизнинг юртимизда боқий Наврўз миллий қадриятларимизни, хусусан, яшариш, яшнатиш, меҳр-оқибат, бирдамлик, ёрдамга муҳтож инсонларга саховат кўрсатиш, кексалар ҳолидан хабар олиш каби кўплаб инсоний фазилатларни тараннум этувчи айёмга айланди.
Президентимизнинг "2018 йилги Наврўз умумхалқ байрамига тайёргарлик кўриш ва уни ўтказиш тўғрисида"ги Қарорида ана шу мақсадлар мужассам.
2017-2021 йилларда Ўзбекис-тон Республикасини ривожлантиришнинг бешта устувор йўналиши бўйича Ҳаракатлар стратегиясини "Фаол тадбиркорлик, инновацион ғоялар ва технологияларни қўллаб-қувватлаш йили"да амалга ошириш Давлат дастурида минтақада яхши қўшничилик ва дўстона алоқаларни, барча соҳаларда яқин ҳамкорликни мустаҳкамлаш алоҳида белгиланган.
Мамлакатимиз Президентининг Тожикистон Республикасига давлат ташрифи икки мамлакат халқлари ўртасидаги яқин қўшничилик муносабатлари, икки қўшни давлат орасидаги шериклик ва ўзаро манфаатли ҳамкорлик янги мазмун билан бойишига пухта замин бўлди. Давлат чегараларидан ўтиш тартиб-таомилининг соддалаштирилиши, борди-келди муносабатларининг қайта йўлга қўйилиши, савдо-иқтисодий алоқаларининг фаоллашуви, маданий-гуманитар ва ҳудудлараро, саноат, қишлоқ ва сув хўжалиги, туризм ва бошқа соҳалардаги ҳамкорлик азалий қондош ва қардош икки халқ дўстлик ришталарини янада мус-таҳкамланишига хизмат қилади.
Бу дунё синовларга тўла. Болалигида бахтсиз ҳодисага йўлиқиб, оғир тан жароҳати олган Нуриллохон Абдуллаҳаев бир неча йилдирки шифохоналарда даволанишга мажбур бўлмоқда. Яхши кунларга шукр қилиб, оғир кунларни сабр-бардош билан енгиб келаётган бу йигит соғ қолган бир кўзини асраб қолиши, иккинчисига протез қўйдириши керак. Шунинг учун ҳам у яхшилар кўмаги илинжида.
Нуриллохонга кўмак бериш истагида бўлганларга Халқ банки (МФО: 00718) Косонсой туман филиалида унинг номига очилган 20206000899066350001 ҳисоб рақамини маълум қиламиз.
CLICK, PAYME:
«Микрокредитбанк» туман филиали: 8600 0504 0026 7334.
Давлатимиз раҳбари ташаббуси билан ҳаётга татбиқ этилаётган янги тизим - "Обод қишлоқ" дастури бўйича Жиззах вилоятининг Дўстлик туманидаги Манас қишлоғида бошланган кенг кўламли ишлар Ўзбекистоннинг барча қишлоқлари қатори туманимизда яшовчи аҳолининг кайфиятини кўтариб, уларни ҳам бунёдкорликка чорламоқда.
Бу хайрли ташаббус туманимиздаги Қозоқовул қишлоғида бошланди.
Ўтган ҳафта вилоят ва туман ҳокимлигининг ишчи гуруҳи мазкур ҳудуднинг инфратузилмаси, ижтимоий соҳа объектлари ва аҳоли хонадонларининг ҳолатини ўрганиб, халқ билан мулоқот уюштирди. Қишлоқда мавжуд муаммоларни ўрганди. Шу асосида дастур тузилиб, амалга оширилиши лозим бўлган вазифалар белгилаб олинди.
Лойиҳанинг биринчи босқичида қишлоқда қурилиш нормалари ва санитария талабларига жавоб бермайдиган таъмирталаб уйларда яшовчи оилалар рўйхати шакллантирилади.
Баҳор. Шу биргина сўз орқали хаёлимизда, орзуларимизда, кўнгилларимизда олам-олам қувонч, кўтаринкилик юз беради. Дераза ортидан келаётган ёмғир шивирлари, кечаги қишнинг совуқ тафтини ўчираётган майин эпкинлар, ажиб турфа ифорлар кўкламдан дарак бермоқда.
Баҳор беғубор фасл. У инсонлар қалбида соф ва ҳузурбахш туйғуларни қайта уйғотиб яшаш ва яратишга ундайди.
Кўкламнинг мадҳи шоирларнинг таърифида, ошиқларнинг байтида, табаррук отахонларнинг дуосида, момоларнинг ҳар бир сўзида акс этади.
Баҳор юртимга эзгулик, гўзаллик ва хурсандчиликлар олиб кел! Сен баҳона фарзандларимизнинг шодон кулгуси, байрамлар сайли, меҳр-мурувват, саховат, қадр туйғулари барқ ураверсин.
ЭҲТИРОМ
Туманимизда 8 март - Халқаро хотин-қизлар куни умумхалқ байрами сифатида кенг нишонланди.
Онани, аёлни эъзозлаш халқимиз учун маънавий қадриятдир. Баҳорнинг илк кунларида Халқаро хотин-қизлар кунини кенг нишонланиши ҳам юртимизда аёлларга бўлган ҳурмат ва эҳтиромнинг ёрқин намунасидир.
Хусусан, туманимизда ҳам бир қутлуғ сана умумхалқ байрами сифатида кенг нишонланди.
"Ўзбегим" мажмуасида ўтказилган байрам тадбирига турли соҳаларда меҳнат қилаётган илғор ва фаол аёллар, меҳнат фахрийлари, мўътабар онахонлар таклиф қилинди.
Тадбирда иштирок этган туман ҳокими Ж. Юлдашев хотин-қизларни байрамлари билан самимий муборакбод этди. Илғор ва фаол хотин-қизларга туман ҳокимининг ташаккурномаси, бир гуруҳ фахрий аёлларга пенсия гувоҳномалари тантанали равишда топширилиб, уларга алоҳида эҳтиром кўрсатилди.
Биз учун муқаддас бўлган оила асосларини мустаҳкамлаш, хонадонларда тинчлик, хотиржамлик, аҳиллик ва ўзаро ҳурмат муҳитини яратиш, маънавий - маърифий ишларни аниқ мазмун билан тўлдириш долзарб вазифадир.
Туманимиздаги 4 та сектор кесимидаги маҳаллаларда "Буюклигинг унутма аёл" шиори остида ўтказилган форум айнан ана шу мақсадларга хизмат қилди.
Форум доирасида "Миллий либос-маънавиятимиз кўзгуси", "Ҳар оилада бир ҳунар бўлсин", "Томорқа хазина-оиламиз даромади", "Китоб ўқиш кунлик одатимизга айлансин", "Оила мустаҳкамлиги аёлга боғлиқ", "Фарзанд тарбиясига она масъулдир", "Ватан тараққиёти оиладан бошланади", "Баркамол авлодни тарбиялашда оила ва таълим муассасасининг ҳамкорлиги", "Соғ-лом болани тарбиялаш - бизнинг умумий вазифамиз", "Бола тарбиясида оила ва маҳалланинг роли, аҳамияти ва масъулияти" каби мавзуларда
Арча, чинор каби умрбоқий дарахтлар минг йилдан зиёд яшайди ва инсонга фойда келтиради. Тол, терак дарахтлари дренаж вазифасини бажариб, ернинг захини тортади. Ўсимлик дунёсининг бебаҳо аҳамияти ҳақида яна кўплаб мисоллар келтириш мумкин. Шунинг учун ҳам республикамизда ўсимлик дун-ёсини муҳофаза қилишга давлат миқёсида эътибор бери-лади. Жумладан, "Ўсимлик дун-ёсини муҳофаза қилиш ва ундан фойдаланиш тўғрисида", "Ўрмон тўғрисида"ги қонунлар ва шунга оид қонуности ҳужжатлар шулар жумласидандир.
Ўсимлик дунёсини муҳофаза қилиш ва ундан фойдаланаш тўғрисида"ги қонуннинг 37-моддасида "Дарахт, буталарни кесиш санитария, коммуникация, қурилиш ишларини бажариш билан боғлиқ ҳолда маҳаллий ҳокимият ва табиатни муҳофаза қилиш органларини келишилган қарорига асосан йўлга қў-йилади, дейилган.
Дарахт ва буталарни кесишда дастлаб маҳаллий ҳокимият органларига ёзма ёки электрон шаклда мурожаат йўлланади.
Давлатимиз раҳбарининг 2017 йил 27 ноябрдаги "Ўзбекистон Республикасининг Биринчи Президенти, буюк давлат ва сиёсат арбоби Ислом Абдуғаниевич Каримов таваллудининг 80 йиллигини нишонлаш тўғрисида"ги Қарори асосида туманимиздаги таълим муассасалари, маҳаллалар, давлат ҳамда жамоат ташкилотларида Биринчи Президентимиз Ислом Каримов ҳаёти ва фаолиятига бағишланган хотира тадбирлари ўтказилмоқда.
Биринчи Президентимиз Ислом Каримов доно, жасоратли, ғурури баланд инсон эди. У буюк Йўлбошчи сифатида оғир қийинчиликлар ва синовларга қарамай, Ўзбекистонни жадал ва барқарор суръатлар билан ривожланаётган замонавий демократик давлатга айлантирди.
Биринчи Президентимизнинг хотираси куни муносабати билан мактабимизда ўтказилаётган маънавий - маърифий тадбирларда унинг серқирра сиёсий фаолияти, олижаноб инсоний фазилатлари билан Ватанимиз тарихида муносиб из қолдирганлиги ёшларга кенг тушунтирилмоқда.
Мозийга бир назар
Фойдали ҳаволалар
