Яқинда туманимиздаги 3-болалар мусиқа ва санъат мактабининг бир гуруҳ ўқувчилари туман миқёсидаги «Иқтидорли болалар» кўрик-танловида ғолиб чиқиб, вилоят босқичига йўлланма олди. Шогирдларининг бу муваффақияти устоз-мураббий, маданият ходими, Халқ таълими аълочиси Абдурауф Раҳимовга олам-олам қувонч бахш этди.
МК "Ватанпарвар" ташкилоти туман кенгаши ташаббуси билан "Кексаларни эъзозлаш йили" ҳамда Хотира ва қадрлаш куни муносабати билан шу жамоада узоқ йиллар ишлаб келган, ҳозирда қарилик гаштини сураётган фахрийлар ўртасида ҳаво милтиғидан отиш бўйича мусобақа бўлиб ўтди.
Унда 90 ёшли Тошпўлат бобо Раҳимов ҳам қатнашдилар. Шу ёшда қўлига қурол олиб, 5 та ўқ билан 27 очко жамғарган Тошпўлат бобога барча-барча тасанно айтди.
Хотира ва қадрлаш куни арафасида Ногиронлар жамияти туман бўлими, халқ таълими ходимлари касаба уюшмаси, 14-БЎСМ ва 3-мактаб ҳамкорлигида спорт устаси, ёшлар мураббийси Ибодуллохон Иноятуллаев хотирасига бағишлаб спортнинг қўл тўпи тури бўйича турнир ўтказилди.
Ибодуллохон Иноятуллаев наинки туманимиз, балки вилоятда спортни ривожлантиришга муносиб ҳисса қўшган жонкуяр мураббийлардан бири эди. Унинг юзлаб шогирдлари республикамизнинг турли ҳудудларида устоз ишончини оқлаб келишмоқда. Унинг хизматлари муносиб баҳосини топиб, "Фахрий спортчи" унвонига сазовор бўлганди.
Сурхондарё вилоятининг Термиз шаҳрида шарқ якка курашининг таэквандо ВТФ тури бўйича ўсмир ва ёшлар ўртасида «Алпомиш- XI» кубоги учун республика очиқ чемпионати бўлиб ўтди.
Унда туманимиздаги 14-БЎСМнинг 8 нафар ёш спортчилари Наманган вилояти шарафини ҳимоя қилишди.
Мусобақада фаол қатнашган вакилларимиз умумжамоа ҳисобида фахрли ўрин соҳибига айланишди. Бунда фахрли 3-ўринни банд этган Бобур Каримов, Камола Насимова каби спортчиларнинг ҳиссаси катта бўлди.
Биринчи лиганинг «Шарқ минтақасидаги ўйинлар «Ғарб»никига қараганда қизиқарлироқ кечмоқда. Хусусан, мазкур минтақада яққол пешқадамни кўрмаяпмиз. Олий лигага даъвогар «Оқтепа» олтинчи турдаёқ иккинчи мағлубиятни тан олган бўлса, турнир жадвалини бошқариб турган «НБУ Осиё» рақибларидан яққол ўзиб кетолмаяпти.
Мавсумни кўтаринки руҳда ўтказаётган «Косонсой» олдинги турда пешқадам тошкентликлар меҳмони бўлиб, кичик ҳисобда (0:1) имкониятни бой берди. Жамоанинг Б. Мамажонов ва И. Исмоилов каби етакчилари жароҳат сабаб майдонга тушмаганлиги мазкур ўйинда панд берди.
Хотира ва қадрлаш куни шарафига Уйчи туманида спортнинг мини футбол тури бўйича фахрийлар ўртасида вилоят биринчилиги мусобақаси ўтказилди.
Унда туманимиз шарафини Шодмонхон Маматов мураббийлигида Алишер Раҳимов, Ҳамидхон Муйдинхўжаев, Дадахон Ҳакимов, Илҳомжон Бобоев, Олимжон Атабоев, Аҳмадхон Эшонхўжаев, Нўъмонжон Икромов, Қодиржон Мажидовлар ҳимоя қилишди.
Фахрийларимиз турнирда барча рақибларини енгиб, ғолиблик шоҳсупасининг биринчи поғонасидан жой олдилар.
Куни кеча Косонсой педагогика коллежи спорт залида «Соғлом юрт фарзандлари» шиори остида шарқ яккакурашининг «Шотакан каратэ-ДО» тури бўйича мусобақа бўлиб ўтди.
Туман ҳокимлиги, Ўзбекистон ХДП вилоят ва туман кенгаши, Ўзбекистон МХХ туман бўлими, ички ишлар бўлими ва бошқа ташкилотлар ҳамкорлигида ташкил этилган мусобақада туманимиз, Поп, Чуст, Тўрақўрғон, Уйчи туманлари ва Наманган шаҳрининг 6 ёшдан 16 ёшгача бўлган ёш спортчилари ғолиблик учун кураш олиб боришди.
Мусобақанинг очилиш маросимида бир гуруҳ фахрий спортчилар, нуроний отахон ва онахонларга алоҳида эҳтиром кўрсатилиб, Ўзбекистон ХДП вилоят кенгашининг эсдалик совғалари топширилди.
Спортчилар эркин ва яккама-якка услубларда чиқишлар қилиб, ўз маҳоратларини намойиш этишди.
Яқинда Ўзбекистон Республикаси маданият ва спорт ишлари вазирлиги ташаббуси билан ўтказилаётган қизиқчи ва сўз усталарининг «Хуш кайфият» кўрик-танловининг навбатдаги босқичи бўлиб ўтди. Унда уч минг нафардан зиёд қизиқчи ва сўз усталари иштирок этиб, ғолиблик учун кураш олиб боришди.
Шуниси эътиборлики, уч минг нафар ишчирокчи орасидан 48 нафари республика босқичида қатнашиш ҳуқуқини қўлга киритган бўлса, улар сафида вилоятимиз шарафини ҳимоя қилган 15-мактаб ва 3-болалар мусиқа ва санъат мактаби ўқувчиси, ёш иқтидор эгаси Қодирбек Абудқодировнинг борлиги туманимиз санъат ихлосмандларига хуш кайфият улашди.
Инсон цивилизация асрига қадам қўяр экан, ҳар бир янгиликни ўзлаштиришга, ўрганишга интилади. Бироқ тан олиш жоизки, бу янгиликларнинг ҳаммаси ҳам хайрли ва эзгу амаллардан иборат эмас. Гиёҳвандлик эса цивилизация асрининг энг оғриқли муаммоларидандир. Чунки бу бало шиддат билан тарқалиб, дунё аҳлини таҳликага солиб қўймоқда. Гиёҳвандлик балосига мубтало бўлган инсон эса жамиятдагина эмас, ҳатто ўзлигидан, тафаккуридан айрилиб манқуртга айланиб қолаётгани ҳам айни ҳақиқат.
Динимиз кўрсатмалари инсонлар орасида ўзаро меҳр-муҳаббат ҳамкорлигини ўрнатиш ва уни мустаҳкамлашга қаратилган.
Шу боисдан ҳам шариат инсон эзгу ишлари, хайрли амаллари билан жамият равнақига ўз ҳиссасини қўшишга эътибор қаратишини таъкидлайди. Гиёҳвандлик балоси эса мислсиз офатлар солиши тайин. Шариат асосларига хилоф бўлган гиёҳвандлик инсоннинг имон-эътиқоди ва динига зиён етказади.
Мустақил юртимизда фарзандларимизни баркамол, маънавий-ахлоқий жиҳатдан етук, жисмонан соғлом камол топиши учун барча шарт-шароитлар яратилган. Ҳатто энг чекка қишлоқларимиздаги мактаб, мактабгача таълим муассасалари моддий-техника базасини мустаҳкамлаш устувор вазифа этиб белгилангани мамлакатимизда баркамол авлодни тарбиялашга қаратилаётган улкан эътиборнинг яққол тасдиғидир.
Чиндовул ҚФЙ, «Ободон» маҳалласидаги 28, Тергачи ҚФЙ, Хонқўрғон маҳалласидаги 35-мактабгача таълим муассаларида белгиланган давлат дастурлари асосида болаларнинг ақлий, ахлоқий, эстетик ва жисмоний ривожланиши йўлида муайян ишлар амалга оширилмоқда. Хусусан, 28-мактабгача таълим муассасида қишлоқ аҳлининг 70 нафардан зиёд ўғил-қизлари таълим-тарбия олишади. Бу масканда ҳам болаларни мактабга тайёрлаш, жисмоний соғломлигини таъминлашга эътибор кучайтириляпти. Болалар ҳафталик машғулотларда инглиз тилини ўрганишмоқда. Улар юз фоиз чуқурлаштирилган тиббий кўрикдан ўтказилди. Таркибида йод моддаси бўлган дори-дармонлар воситасида соғломлаштириш ишлари изчил олиб борилмоқда.
Мозийга бир назар
Фойдали ҳаволалар
