Инсон ҳар қандай мураккаб вазиятдан ҳам яхши гап, вазмин мулозаҳа, ақл-заковат билан чиқиб кетиши мумкин. Туйқусдан бирор ташвиш ёки муаммо юзага келса, ҳиссиётга берилиб, янглишиб қолмаслик, хато устига хато қилмаслик учун оғир-вазмин бўлиш, фаҳм-фаросат билан иш тутиш зарур бўлади. Шундай қилган киши нажот йўлини топади. Халқ эртакларида ҳатто ёзув девларнинг ҳам тавозе ва одоб билан салом берган кишига раҳм қилиши, ийиб кетиб ҳатто йўл кўрсатиши бежиз айтилмаган. Чиройли лутф билан кўнгилни обод қилиш, ўринсиз беадаблик билан эса вайрон қилиш мумкин.
Муомала маданиятида суҳбатдошни, у хоҳ катта, хоҳ кичик бўлсин, одоб билан тинглаш, сўзини бўлмаслик, беписанд нигоҳ билан қарамаслик ғоят муҳим фазилат ҳисобланади. Шарқ донишмандлари: «Агар сен комилликда жуда баланд даражага етган бўлсанг-да, ҳузурингга келган кишига аввало ҳурмат-эҳтиром кўрсат, фикрини бил, нима демоқчи, олдинга не муддаода келганини англа, кўнгли нимадан хавотирдалигини тушун ва шунга яраша муомала қил, токи ҳузурингдан ҳеч ким кўнгли тўлмай чиқиб кетмасин», деб уқдирадилар.
Ўсмирлар ва ёшлар ўртасида шарқ якка курашининг "Таэквандо" ВТФ тури бўйича вилоят биринчилиги бўлиб ўтди.
Унда туманимиздаги 14- БЎСМнинг 6 нафар ўқувчиси муносиб қатнашди.
Якка курашларда Камола Наимова, Баҳром Маҳмудов ўз вазн тоифасида олтин медаллар соҳибига айланишган бўлишса, Асадбек Ғафуров, Моҳина Абдухалилова, Муҳаммаджон Ёқубов ва Жаҳонгир Акбаралиевларга кумуш ва бронза медаллар насиб этди.
Меҳнат инсонни улуғлайди, деб бежиз айтмаган халқимиз. Бир жамоада узоқ йиллар ҳалол, самарали ишлаб, обрў-эътибор қозонаётган кишилар ҳақида гап кетганида маданият ходими Музаффархон ака Шарипов кўз олдимизда гавдаланади. Бутун меҳнат фаолиятини туманда маданий, маърифий-маънавий ишлар тарғиботига бағишлаган бу инсон муборак олтмиш ёшни қарши олди.
- Одамларга яхшилик қилиш, уларнинг ташвишлари билан яшаш катта бахт, -дейди туман маданият ва спорт ишлари бўлими мудири Ҳ.Қудратова. – Чунки бундай инсонлар албатта, жамиятда қадр-қиммат, ҳурмат ва эътибор топади. Туман маданият ва аҳоли дам олиш маркази бадиий раҳбари Музаффархон ака Шарипов ана шундай бахтиёр инсонлардан бири. У нафақат ташкилотчи маданият ходими, балки ғамхўр дўст, доно ва меҳрибон устоз сифатида ҳамкасблари меҳрини қозонган...
«ИнтерФУТБОЛ» газетаси соврини учун 2003-2004 йилларда туғилган болалар ўртасида мини-футбол бўйича очиқ турнир бўлиб ўтди.
Мусобақа «Ёз ўтмоқда соз» шиори остида «Марказий» ўйингоҳ атрофидаги 4та сунъий қопламали майдонда ўтказилди. Вилоятнинг барча туманлари ва Наманган шаҳрининг 24та жамоаси 4та гуруҳга бўлинган ҳолда, ғолиблик учун кураш олиб борди. Гуруҳ босқичидан сўнг Уйчи, Норин ва Наманган шаҳри жамоалари курашдан четга чиққан бўлишсада, уларнинг ёш футболчилари жанговар ўйинлари билан кўпчилик меҳрини қозонишди.
Гуруҳларда дастлабки икки ўринни эгаллаган жамоалар эса, чорак финалга йўл олдилар. Булар - «Навбаҳор-Умид» (Наманган), «Юмалоқшайхмозор» (Косонсой), 8-БЎСМ (Чуст), 5-БЎСМ (Учқўрғон), 22-БЎСМ - «ИнтерФУТБОЛ» (Косонсой), «Заковат» (Косонсой), 15-БЎСМ (Чортоқ) ва 33-БЎСМ (Тўрақўр-ғон).
Косонсой педагогика коллежида моҳир педагог, таниқли бастакор ва созанда Муҳаммадали (Алишер) Бувохўжаевнинг хотирасига бағишланган бадиий-адабий кеча ўтказилди.
Муҳаммадали ака бетакрор истеъдод соҳиби эди. У ватанга меҳр-муҳаббат, олийжаноб инсоний фазилатларни юксак пардаларда тараннум этган етук мусиқий асарлари, ибратли ҳаёти, ёшлар камолоти йўлидаги фидокорона меҳнати билан барчага ибрат бўлган эди.
Марказий ўйингоҳда туманимиз маҳаллаларида яшовчи уй бекалари ўртасида аёллар спорт фестивали ўтказилди. Унда 356 нафардан зиёд уй бекалари спортнинг енгил атлетика, стол тенниси, волейбол, шахмат турлари бўйича беллашдилар.
Волейбол бўйича фахрли ўринларни Ободон, Ўрта кўча, Гулобод маҳаллалари вакиллари эгалладилар. Енгил атлетикада Ўрта кўча, Садача, Гулобод маҳаллалари аёллари ғолиб бўлишди. Стол тенниси баҳсларида Баҳористон, Ўрта кўча, шахматда Чорбоғ, Чиндовул ва Тергачи маҳаллалари уй бекалари ғолиблик шоҳсупасига кўтарилишди.
"Халқаро гиёҳвандликка қарши кураш куни" муносабати билан Махдуми Аъзам номли маданият ва истироҳат боғида маданий-маърифий ва спорт тадбирлари ўтказилди.
Унда ўқув, мактабгача таълим, мактабдан ташқари муассасалар, академик лицей ва касб-ҳунар коллежлари, қишлоқ ва маҳалла фуқаролар йиғинлари ҳамда тиббиёт бирлашмаси томонидан кўргазмалар ташкил этилди.
Коллеж ва мактаблар ўқувчилари, уюшмаган ёшлар ўртасида спортнинг шахмат-шашка турлари бўйича мусобақа ташкил этилди.
Тошкент вилоятининг Чирчиқ шаҳрида "Ёзги биатлон" бўйича ўсмир йигитлар ва қизлар ўртасида республика биринчилиги бўлиб ўтди.
Ушбу мусобақада вилоятимиз спортчилари умумжамоа ҳисобида иккинчи ўринни эгаллади. Бу ютуқда Косонсой педагогика коллежи ўқувчилари Сайёра Абдуллаева, Анвар Абдуллажонов, Сардор Исломжонов ва 43-мактаб ўқувчиси Адолат Жўраеваларнинг ҳиссалари катта бўлди. Бу йигит ва қизлар 4 кун давом этган баҳсларда вилоятимиз шарафини муносиб ҳимоя қилиб, кумуш медаль соҳибига айланишди.
Ўзбекистон таэквандо ВТF Ассоциацияси Наманган вилоят бўлими ташаббуси билан Чуст туман Олмос клубининг очиқ кубоги учун ёшлар ва ўсмирлар ўртасида ўтказилган мусобақада туманимизнинг 14-болалар ва ўсмирлар спорт мактаби таэквандо ВТF жамоаси ҳам қатнашиб, фахрли учинчи ўринни қўлга киритдилар.
Мураббий М. Абдуҳакимова шогирдлари Н. Эргашева, Б. Каримов олтин медаль соҳиби бўлишди.
В. Абдуманнопов, Б. Маҳмудов, М. Тожибоева, Б. Абдурашидров, Д. Нажмиддинова, М. Бойдадаева, М. Яқубов, К. Ноимова, М. Абдуллаев, А. Аҳмаджонов, И. Салоҳиддинова, Ж. Акпаралиев Х. Халилов сингари спортчи ёшлар кумуш ва бронза медалларни қўлга киритишди.
48-умумий ўрта таълим мактабининг битирувчи синф ўқувчиси Комилжон Турсунбоев болалигидан тасвирий санъатга меҳр қўйди. У бўш қолди дегунча қўлига мўйқаламини олиб, ижод қиларди. Отаси Неъматжон тасвирий санъат ўқитувчиси бўлганлиги учун ҳам ўғлидаги туғма истеъдодни кўриб, унга алоҳида эътибор берди.
Унинг ўз устида тинмай ишлаши, отасининг берган маслаҳат ва ўгитлари қўл келдими, туманда ўтказилган «Иқтидорли болалар» кўрик-танловининг наққошлик ва тасвирий санъат йўналиши бўйича уч йилдирки 1-ўрин соҳиби бўлиб, вилоятда ҳам ғолибликни қўлга киритиб келмоқда.
Мозийга бир назар
Фойдали ҳаволалар
