«Гўзал ва бетакроримсан, муқаддас Ватаним, жоним сенга фидо, Ўзбекистоним!» шиори билан мазмунли ва ўзгаришларга бой ўтаётган ҳар бир кун бизни буюк Истиқлол байрамининг 25 йиллик айёмига тобора яқинлаштирмоқда.
Барча жойлардаги каби туманимизда ҳам ушбу улуғ айёмни муносиб кутиб олиш мақсадида кенг миқёсдаги ишлар амалга оширилмоқда.
Ўзбекистон жангчи-фахрийлар (байналмилалчилар) бирлашмаси туман кенгашининг тарғибот гуруҳи аъзолари белгиланган режа асосида таълим-тарбия муассасалари, меҳнат жамоаларида бўлишиб, «Кеча ким эдигу бугун ким бўлдик» мавзусида Мустақилликнинг 25 йиллигига бағишлаб учрашув – мулоқотлар ўтказишмоқда.
2015-2016 ўқув йилида Косонсой саноат, транспорт ва алоқа касб-ҳунар коллежини 5 та мутахассислик бўйича 312 нафар ўғил-қиз битириб, мустақил ҳаётга йўлланма олди. Улардан 20 нафарига имтиёзли диплом топширилди. Битирувчиларнинг 122 нафари диплом олиш билан бирга «В» тоифали ҳайдовчилик гувоҳномасига эга бўлди. Битирувчилардан 12 нафари имтиёзли кредит олиб, ўз мутахассисликлари бўйича тадбиркорлик фаолияти билан шуғулланишга бел боғладилар. Ёшларни келажак ҳаётга тайёрлашда коллеж педагогик жамоасининг хизмати катта. Ўқув йили якунига бағишлаб туман фан, таълим ва маданият ходимлари ва коллеж касаба уюшмаси қўмитаси ҳамкорлигида ўтказилган тадбирда бир гуруҳ намунали, спорт соҳасида юксак кўрсаткичларга эришган ўқувчилар ва ишчи-ходимлар фахрий ёрлиқлар, эсдалик совғалар билан тақдирландилар.
«Соғлом она ва бола йили» Давлат дастури асосида коллеж педагог ва ишчи-ходимларининг фарзандларини имтиёзли равишда ёзги соғломлаштириш марказларига жойлаштириш, мароқли дам олишларига шарт-шароитлар яратишга эътибор кучайтирил-япти.
Мустақил юртимизда миллатлараро тотувлик ва диний бағрикенглик-тараққиётимизнинг муҳим омили бўлмоқда.
Бизда ёшларга ҳамма жойда йўллар очиқ, кексалар ҳамма жойда эъзозда. Бундай юртда маънавият юксак бўлади. «Юксак маънавиятга эга бўлган халқ ҳеч кимга ҳеч қачон қарам бўлмайди» - бу муҳтарам Президентимизнинг «Юксак маънавият енгилмас куч» асарида алоҳида қайд этиб ўтилган.
Юртбошимизнинг рисола, маъруза ва нутқларини қайта-қайта мутолаа қилар эканман, нутқларидан биридаги ҳикматли фикрлари эътиборимни тортди: фикрлари «Ҳаммамизга аёнки, инсон бу ҳаётда бахт учун дунёга келади. Лекин бахт дегани фақат моддий бойликка интилиб, молу давлатга, ҳавойи орзуларга берилиб яшашни англатмайди. Бахт-бу, менинг назаримда, аввало тинч-осойишта ҳаёт, оила, эл-юрт ободлиги, ўз Ватанига муҳаббат, ҳар қандай оғир синовлар қаршисида ҳам ўзини, ўзлигини йўқотмасдан, асл инсоний қиёфасини сақлаб қолиш, юксак маънавий қадриятларга садоқат билан яшашдир».
Эл-юртимизни минг йиллар оша турли тўфон ва бўронлардан омон сақлаб, барчамизга куч-қудрат бағишлаб келаётган, ҳаётимизни ҳар томонлама юксалтирадиган бундай олижаноб қадриятлар, ўйлайманки, оммавий ахборот воситаларимиз учун ҳеч қачон аҳамиятини, қадрини йўқотмайдиган бош мавзулар бўлиб қолади. Чунки, маънавиятни асраш-аввало инсонийликни, инсоннинг ўзини асраш демакдир. Маънавий дунёмизга қарши қаратилган таҳдид ва хуружлар тобора кучайиб бораётган бугунги вазиятда бу ўткир ҳақиқатни барчамиз асло унутмаслигимизни истардим.
Ислом Каримов.
Коллежларда давлат имтиҳонлари ниҳоясига етиб, «Хайр коллеж, салом ойдин йўл» деб номланган тадбирлар ўтказилиб, битирувчиларга дипломлар топширилди.
Жорий ўқув йилида Косонсой тиббиёт коллежини 526 нафар ўғил-қиз битирди.
Битирувчиларга диплом топшириш маросими катта тантанага айланди. Битирувчиларни туман ҳокими А. Абдукаримов, туман ИИБ бошлиғи Н.Мирзаҳмедов, меҳнат фахрийлари У. Валиев, Ш. Қамбарова, Н. Муйдинов қизғин муборакбод этишди. Коллежнинг 53 нафар битирувчиси имтиёзли диплом олишга муяссар бўлди.
Президентимизнинг «Муборак Рамазон ойини муносиб тарзда ўтказиш тўғрисида»ги Қарорида қайд этилганидек, Рамазон эл-юртимиз учун эзгулик, саховат, меҳр-шафқат рамзи. Рамазон ойининг маънавий-руҳий ҳаётимиздаги ўрни ва аҳамияти катта. Бу энг аввало, жамия-тимизда меҳр-оқибат, ўзаро аҳиллик ва ҳамжиҳатлик муҳитини янада мустаҳкамлаш, халқимизга мансуб олижаноб фазилатларни, диний-маърифий қадриятларимизни асраб-авайлаш ва улуғлашга хизмат қилади.
«Топганингиз тўйга буюрсин» дея ҳар биримиз яқинларимизга самимий тилаклар билдирамиз. Узоқ йиллар фарзандларимизнинг бахту камоли учун тайёргарлик кўриладиган бу шодиёнанинг эса бир умр ёдда қоларли бўлишини орзу қиламиз. Шукрки, юртимизнинг тинч-осойишталиги, фаровонлиги туфайли тўй-ҳашамларимиз янада файзли ўтмоқда, бироқ...
Афсуски, тўйларда аждодларимиздан мерос қадриятларга ҳурматсизлик, дабдабабозлик, ортиқча расм-русумлар, ўзлигимизга бегона урф-одатларга кўр-кўрона эргашиш каби ҳолатлар ҳам учраб туриши кишини ранжитмай қолмайди. Ҳозирги кунда тўйлар бойликни кўз-кўз қилиш, дабдабаю, исрофгарчилик қилиб, обрў орт-тиришга айланиб, унда турли хил урфлар ўйлаб топилмоқда.
Бугун ҳар биримиз ўз тақдиримизда, мамлакатимиз ҳаётида содир бўлаётган оламшумул ўзгаришлар, янгиланишлар ва ривожланишнинг бош омили Истиқлол бўлганини, Мустақиллик шарофати билан мана шундай доруломон, ёруғ кунларга етганимизни ҳар қадамда ҳис этаяпмиз, чуқур англаяпмиз.
Президентимизнинг «Ўзбекистон Республикаси Давлат мус-тақиллигининг йигирма беш йиллик байрамига тайёргарлик кўриш ва уни ўтказиш тўғрисида»ги Қарорини туманимиз аҳли ҳам ўқиб, ўрганмоқдалар. Ҳамюртларимиз билан дилдан қилган суҳбат чоғларида юқоридаги эътирофлар фахр-ифтихор билан қайта-қайта такрорланмоқда
Мустақиллик ҳақида сўз борганда хаёлимиздан болалик, ўсмирлик, ёшлик йилларимиз ўтади. Бошланғич синфлардаёқ мактабда дарснинг ўрнига баҳор ҳавосининг ўта ноқулай захли кунларида далада чигит экардик, ягана қилардик. Колхозчилар қаторида эртадан кечгача ишлардик. Бу ҳам етмаганидек биз, ўғил болаларни сувчиларга биркитиб қўйишарди. Сувдан бўшаган майдонларда захда қоғоз терардик. Туни билан тош- чироқда сув ёқалаб, ғўза суғорганмиз, дағал хашак йиғишга, ипак қурти боқишга сафарбар этилардик.
Ислом дини – бу ота – боболаримиз дини, у биз учун ҳам иймон, ҳам аҳлоқ, ҳам диёнат, ҳам маърифат эканлигини унутмайлик.
Мамлакатимиз Президентининг «Муборак Рамазон ойини муносиб тарзда ўтказиш тўғрисида»ги Қарорининг қабул қилиниши юртимизда диний-маърифий қадриятларимизни асраб-авайлаш ва улуғлашга эътиборнинг ёрқин намунаси бўлди.
Ж. Тошхўжаев, туман Кенгаши депутати, Ободонлаштириш бошқармаси бошлиғи:
-Президентимизнинг Рамазон ойини муносиб тарзда ўтказиш тўғрисидаги қарори мамлакатимиз тарихидаги улкан воқеалардан бири бўлди, десам асло муболаға қилмаган бўламан. Бу халқимиз учун эзгулик, саховат, меҳр-шавқат рамзига айланиб қолган Рамазон ойининг маънавий-руҳий хаётимиздаги ўрни ва аҳамияти нақадар юксаклиги, давлатимиз раҳбарининг доимо халқимизга ғамхўрлиги ва эътиборининг яна бир исботидир.
Ўзбекистон хотин-қизлар қўмитаси, Халқ таълими вазирлиги, Ўрта махсус касб-ҳунар таълими маркази, «Маҳалла» хайрия жамоат фонди, Дин ишлари қўмитаси ва «Оила» илмий маркази ҳамкорлигида ўтказилаётган «Меҳрибон қайнона» кўрик-танловининг туман босқичи бўлиб ўтди.
Оилада соғлом маънавий муҳитни, ўзаро ҳурмат-эҳтиром руҳини яратиш, юксак ахлоқий ва маънавий қадриятларни сақлаб қолиш, ёшларга соғлом турмуш тарзини сингдиришга хизмат қилувчи ушбу танловнинг туман босқичида маҳаллалар-аро саралаш босқичи ғолиби бўлган қайноналар қатнашдилар.
4-болалар мусиқа ва санъат мактабида ўтказилган танлов ғоят қизиқарли кечди. Танлов иштирокчилари дастлаб ўз оилалари, касбу корлари, қизиқишлари ҳақида чиқишлар қилишди.
Мозийга бир назар
Фойдали ҳаволалар
