Наманган туманидаги “Turbo plast plus” корхонасида тиббий таҳлиллар ўтказишда фойдаланиладиган махсус идишлар ишлаб чиқариш йўлга қўйилди.
Корхона мамлакатимизда биринчилар қатори оддий пластмассадан ана шундай идишлар тайёрлаш технологиясини ўзлаштирди. Ушбу янги лойиҳанинг амалга оширилиши билан ойига 500 минг донадан зиёд тиббий лабораториялар учун ихчам идиш ишлаб чиқариш имконияти пайдо бўлди. Тиббиёт муассасалари лабораторияларида ўтказиладиган таҳлил учун қон ва бошқа моддаларни сақлашга мўлжалланган бу идишлар стерилланган. Янги маҳсулотнинг ярмидан ортиғини экспортга йўналтириш кўзда тутилган.
Наманган шаҳридаги «Дўстлик» кортларида теннис бўйича ўсмирлар ўртасидаги учинчи тоифага кирувчи «Фьючерс» халқаро турнирининг асосий тўр баҳсларида чорак финал иштирокчилари маълум бўлди, деб хабар бермоқда «Olamsport».
Мусобақанинг биринчи ракеткаси ҳисобланган ўзбекистонлик Жўрабек Каримов иккинчи рақамли россиялик Николай Колобаевни мағлуб этди.
Соғлиқни сақлаш вазирлиги Наманган вилоятида ҳомиладорлик бўйича уй картасини жорий қилиш бўйича синов лойиҳасини амалга оширмоқда, деб ёзади Uzbekistan Today.
Экспериментда 60 минг аёл қатнашмоқда. Натижаларга қараб, ушбу тажрибани республиканинг барча ҳудудларида тарқатиш режалаштирилмоқда.
Уй картаси ҳомиладор аёллар ва уларнинг оила аъзоларини ҳомиладорликнинг кечиши ва туғруқдан кейинги даврни кузатиш жараёнига жалб этиш мақсадида ишлаб чиқилган. Бу ҳомиланинг ривожланиш меъёридан чиқиш ҳолатларини вақтида аниқлаш ва тиббий ёрдам сўраб мурожаат қилиш учун зарур.
Мозийга бир назар
Фойдали ҳаволалар
