Коллежимизнинг «Ёғочга ишлов бериш ва мебел ишлаб чиқариш техник- технологи» мутахассислиги 3-босқич, 166-гуруҳ ўқувчиси Воҳиджон Мамажонов ёшларнинг чуқур билим, касб-ҳунар эгаллаши учун яратиб берилаётган шарт-шароитлардан ўринли фойдаланаётган ёшлардан бири.

Унинг ҳунармандчилик ишларини кузатар эканмиз, инсон қўллари мўъжиза яратишга қодир экан-да, деган хулосага келдик. Тахтага ишлов бериш, турли тасвирлар билан пардозлашнинг ўзи бўладими?

Бу ижод, бу санъат, унинг ижодкори эса Воҳиджон. У ўз ижод намуналари билан вилоят ва туман миқёсидаги танлов ва кўргазмаларда фаол қатнашиб келмоқда.

-Оддий тахтага турли хил нақшлар чиқазиш мени ўзига оҳанграбодек тортар эди,-дейди В. Мамажонов.- Шу боис ўймакор-наққош уста бўлишни дилимга тукканман. Бу иш билан доим шуғуллансамда, ҳар гал энди иш бошлаётган кишидек ҳаяжонланаман. Қилаётган ишимга бор меҳримни беришга ҳаракат қиламан. Келажакда, албатта, ўзимни шахсий корхонам бўлишини, устозларим Фурқатжон Сатторов, Ботиржон Маҳкамов, Абдураҳим Мўминовларнинг менга берган илм ва ҳунарларини бошқа тенгдошларимга ҳам ўргатиб, маҳсулотларимизни ҳар бир хонадонга кириб боришини таъминлабгина қолмай, балки хорижга экспорт қилмоқчиман.

Орзуларинг ижобат бўлсин, Воҳиджон!

М. АЪзамова, Косонсой маиший хизмат

касб-ҳунар коллежи АРМ раҳбари.