Туманимиздаги 27,49-мактабларнинг 9-синф ўқувчилари Гулзода Ҳусанбоева ва Толибжон Тўхтасинов 3-болалар мусиқа ва санъат мактабининг энг қобилиятли ўқувчиларидан. Улар яқинда ёш ижрочиларнинг республика танловида қатнашиб, ғолиб бўлишганди. Икки ёш санъаткор  Озарбайжоннинг Боку шаҳрида бўлиб ўтадиган  IV Халқаро ёш ижрочиларнинг «Муғом» кўрик-танловида иштирок этишади. Ёш истеъдод соҳиблари-Гулзода ва Толибжонга бу нуфузли танловда омад тилаймиз.

А.Умаров, 3-БМСМ.