Пиллачилик қишлоқ хўжалигининг даромадли соҳаларидан бири ҳисобланади. Оз муддат ичида натижа кўрсатувчи юмуш бўлган ипак тола етиштиришга бугунги кунда мамлакатимизда алоҳида эътибор қаратилмоқда.

Туманимизда жорий йилда 2930 қути қурт уруғи парваришлаш, 168 тонна қимматбаҳо саноат хом ашёси етиштириш мақсад қилиб олинган.

Айни пайтда ҳудудларда пилла етиштириш авж паллада. Пиллакорлар залворли меҳнатлари самарасини кўра бошладилар.

10 майдан "Гўрмирон" ҳудудидаги пилла қабул қилиш пунктида дастлабки ипак қурти ҳосилини қабул қилиш жараёни бошланди.

Пиллакорларга ҳорманг, деймиз! Хирмонга барака!