Биринчи Президентимиз Ислом Каримов ташаббуси билан 2006 йил 12 сентябрда қабул қилинган «Ўзбекистон Республикаси Тиббиёт ходимлари кунини белгилаш тўғрисида»ги Қонунга асосан, мамлакатимизда ҳар йили ноябрь ойининг иккинчи якшанбаси тиббиёт ходимлари байрами сифатида кенг нишонланади.

«Истиқлол» мажмуасида ушбу санага бағишланган тадбирда сўз олган  туман ҳокими Б. Юсупов, тиббиёт бирлашмаси бош врачи Ш. Раҳимов, тиббиёт ходимлари касаба уюшма қўмитаси раиси С. Саркарова, маънавият ва маърифат бўйича бош врач ўринбосари М. Холматов ва бошқалар Биринчи Президентимиз Ислом Каримов раҳнамолигида соғлиқни сақлаш тизимида амалга оширилган изчил ислоҳотлар инсон манфаатларини муҳофазалаш,  халқимизнинг соғлом ва узоқ умр кечиришини таъминлашда юксак самаралар бораётганини алоҳида таъкидлашди.

Бир гуруҳ фидойи шифокорлар туман ҳокимлиги, тиббиёт ходимлари касаба уюшмаси томонидан рағбатлантирилди.