Грипп юқумли касаллик бўлиб, тана ҳароратининг кўтарилиши, дармонсизлик, бош, кўнгил айниши, баъзан қусиш ва юқори нафас йўлларининг зарарланиши билан кечади.

Грипп вируслари одам организмига ҳаво томчи йўли  (йўталганда, аксирганда) орқали юқади.

Бундан ташқари болаларга уй-рўзғор буюмлари, ўйинчоқлар, сўрғич орқали ҳам юқиши мумкин.

Ҳар қандай ёшдаги одамлар, асосан болалар йилнинг куз ва қиш фаслларида кўпроқ гриппга чалинади.

Уй шароитида даволаш учун беморни алоҳида хонага ётқизиш талаб этилади.

Хонани тез-тез шамоллатиб туриш лозим. Кўпроқ суюқлик, яъни чой, шарбат, лимонли чой, наъматак дамламаси ичиш фойдали.

Гриппнинг олдини олиш учун организмни чиниқтириш, жисмоний тарбия ва спорт билан мунтазам шуғулланиш зарур.

Гриппга қарши ваксинация профилактикаси ҳам муҳим аҳамиятга эга.

Б. Ахунжонов, олий тоифали врач-педиатр.