Кўп вақтингизни компьютер олдида ўтказаётган бўлсангиз, албатта, бу «ақлли машинанинг» соғлиққа таъсирини билиб қўйсангиз фойдадан ҳоли бўлмайди. Демак, ушбу мавзуга қўл урар эканмиз сизга, копьютердан узоқ муддат фойдаланган инсонга унинг таъсири, зарарининг камайтириш йўллари, компьютер билан мулоқотдаги талаблар ҳамда саломатликнинг сақлаш учун нималарга эътибор беришимиз лозимлиги тўғрисида маълумот бермоқчимиз.

Компьютердан фойдаланувчилар саломатлигига қуйидаги зарарли омиллар таъсир кўрсатади:

 Узоқ муддат ўтириб ишлаш жараёнлари;

монитордаги электромагнит нурланишлар таъсири;

 қўрув органларига тушадиган юкламалар яъни кўзнинг толиқиши;

 қўл-кафт бўғимларига тушадиган юклама;

 ахборотларнинг йўқолиб қолиш пайтидаги стресс ҳолатлар.

ЭСДА ТУТИНГ!

 Монитор билан кўз оралиғидаги масофа 45 см. дан кам бўлмаслиги керак;

 ёруғлик монитор экранига тушиб, ярқираб, кўришга ҳалақит бермаслиги лозим;

 экран сатҳини тез-тез артиб туриш зарур:

 тез-тез кўзга дам бериш учун 10-15 дақиқалик танаффуслар қилиб туринг;

Кўз машқлари жуда муҳим: 10 сония кўзларингизни юмиб туринг, 5-10 сония кўзни очиб-ёпиш, ойнадан узоқ ва яқинга қараш машқлари кўзингизга дам олиш имкониятини яратади.

Турли таъсирлардан сақлаш учун чой пакетчаларини (хона ҳароратида) кўзга қўйиб 10 дақиқа ётинг.

Адиба Қосимова, туман, «Саломатлик»

маркази директори.