Вилоят «Тадбиркор аёл» уюшмаси ва туман хотин-қизлар кенгаши ҳамкорлигида хотин-қизларни тадбиркорликка жалб этиш борасида кенг кўламли ишлар амалга оширилмоқда.

Косонсой иқтисодиёт касб-ҳунар коллежи мажлислар залида бўлиб ўтган мулоқотга вақтинча ишсиз хотин-қизлар, уй бекалари таклиф этилди.

Туман хотин-қизлар кенгаши, вилоят «Тадбиркор аёл» уюшмаси фаоллари ва мутахассислари йиғилганларга тадбиркорлик фаолияти билан шуғулланиши учун бизнес лойиҳа тайёрлаш, хотин-қизларни турли касб-ҳунарларга йўналтириш бўйича тушунтириш ишлари олиб бориб, тегишли маслаҳатлар беришди.

-Ўзбекистон Республикаси Олий Мажлиси ҳузуридаги «Нодавлат нотижорат ташкилотларини ва фуқаролик жамиятининг бош-қа  институтларини-қўллаб-қувватлаш жамоат фонди»нинг гранти асосида маҳаллаларда яшовчи хотин-қизларни иш билан таъминлаш, касб-ҳунарга йўналтиришга эътиборни кучайтиряпмиз,-дейди вилоят «Тадбиркор аёл» уюшмаси раиси Л. Абдуҳомидова,-Айни пайтда мутахассисларимиз қишлоқ, маҳалла фуқаролар йиғинларида бўлиб, ўқув курслари ташкил этишяпти. Бундай курслар ҳозирда Тергачи, Чиндовул қишлоқ фуқаролар йиғинларида ўтказиляпти. Унда уй бекалари, вақтинча ишсиз қишлоқ аёллари тикувчилик, пазандачилик каби касблар, бизнес лойиҳа тайёрлаш сир-асрорларини ўрганишяпти.

Бундай ўқувлар бошқа қишлоқлар ва Косонсой шаҳридаги маҳаллаларда ҳам ташкил қилинади.