Муҳтарам Президентимиз жойларда ижтимоий-иқтисодий ислоҳотларнинг бориши, амалга оширилаётган бунёдкорлик ва ободонлаштириш ишлари, йирик лойиҳалар билан танишиш, халқ билан мулоқот қилиш мақсадида 7-8 июль кунлари вилоятимизда бўлди.

Президентимиз Шавкат Мирзиёевнинг ҳар бир ташрифини халқимиз ўзгача ғурур, кўтаринкилик билан кутиб олмоқда. Бу бежиз эмас, албатта. Юртбошимиз халқ дардини менинг дардим, деб яшаётгани ҳар биримиз учун беқиёс ибрат мактабини ўтамоқда. Жумладан, туманимиз меҳнаткашлари ҳам Юртбошимизнинг ғамхўрлигига амалий иш билан жавоб беришга ҳаракат қилмоқдалар. Президентимиз ҳар гал учрашувларда бизларни маррани баландроқ олишимизга, яхши ният билан иш бошлашимизга даъват этади. Баҳодир Юсупов туманимизга янги раҳбар этиб тайинлангандан сўнг, «Биз косонсойликлар - юксак маданият, намунали тартиб, мустаҳкам иқтисодиёт шаклланган туман номи учун курашмоқдамиз!», дея эзгу даъватни ўртага ташлади. Президентимиз «Яхши ният - ярим ризқ», деб таъкидлаганларида олам-олам маъно борлигини ҳаётнинг ўзи тасдиқлаб турибди.

Буни туманимиз ғаллакорлари мисолида ҳам яққол кўришимиз мумкин. Заҳматкаш ғаллакорларимиз зафар қучдилар!