Туманимизда ўтказилган жиноятчиликнинг олдини олиш ва профилактика тадбирларида ишчи гуруҳи дастлаб асосий эътиборни ўқувчиларнинг дарсларга қатнашишларини назорат қилишга қаратди.

Жумладан, Узунқишлоқ маҳалласида бўлиб ўтган тадбирда ҳудуддаги 21,-48-мактаб, уй-жой қурилиш ва коммунал хизмат кўрсатиш коллежида давомот билан қизиқишди. Мактабларда давомот 98-99 фоизни ташкил этганлиги бундай тадбирлар бесамар кетмаётганлигини кўрсатди. Аммо коллежда ҳали – ҳануз айрим ўқувчиларнинг дарсларни қолдираётганлиги маълум бўлди. Шу куни дарсга келмаган 3 нафар ўқувчининг ота-онаси чақиртирилиб, улар билан тушунтириш ишлари олиб борилди.

Тадбир давомида коммунал ва солиқ тўловларидан қарздорлар билан мулоқот қилинди ва  4 нафар фуқаронинг йирик миқдордаги қарзларини ундириш чоралари кўрилди.

Маҳаллаларда ўтказилган тадбирларда туман ҳокими Б. Юсупов, туман прокурори Д. Умаралиев, туман ИИБ бошлиғи Н.Мирзаҳмедов, участка профилактика инспекторлари, масжидлар имом-хатиблари ва бошқа жамоат ташкилотлари вакиллари иштирок этиб, аҳоли билан мулоқотда бўлишди.

Жумладан, туманимиздаги барча маҳаллаларда ўтказилган тадбирларда айрим нотинч оилалардаги вазият чуқур таҳлил қилиниб, бир неча оилани яраштиришга эришилди.