Юртимизда  биз кексаларга кўрсатилаётган ғамхўрлик ва эътибордан беҳад мамнунмиз.

Яқинда эълон қилинган Президентимизнинг «Иш ҳақи, пенсия, нафақа ва стипендияларни тўлаш механизмини такомиллаштиришга доир қўшимча чора-тадбирлар тўғрисида»ги қарори ҳам биз, ёши улуғларга кўрсатилаётган ҳурмат ва эътиборнинг амалдаги намунаси бўлди. Бундан чексиз хурсандмиз. Президентимизнинг ушбу қарорларига асосан энди пенсиямизни нақд пулда оладиган бўлдик. Очиғи, пенсияни пластик карточка орқали тўланиши бизга ўхшаган қа-рияларга қийинчилик туғдираётганди. Айниқса, бу нақд пул керак бўлиб қолган пайтларда кўпроқ сезиларди.

Эллик-олтмиш минг сўм нақд пулни деб, банклар эшиги олдида бирмунча навбат кутиб қолган пайтларимиз бўлган. Президентимизнинг оқилона сиёсати туфайли бу муаммолар барҳам топди. Энди ойнинг аниқ санасида пенсиямизни уйимизга келтириб беришади.

Бундай имконият, шарт-шароит яратиб берганларни Яратган эгам қўлласин!

С. Муйдинов, Ш. Умаров, меҳнат фахрийлари.