Маҳалла—тотувлик ва ҳамжиҳатлик маскани. Ўқувчи-ёшларни маънан соғлом, миллий қадриятларга ҳурмат, ватанпарварлик руҳида тарбиялашда «Мактаб-маҳалла-оила» ҳамкорлигининг аҳамияти беқиёс.

Наврўз-умумхалқ байрами муносабати билан мактаб, Шайхон, «Сойча» МФЙлар ҳамкорлигида ўтказилган тадбирлар ана шу мақсадларга хизмат қилди.

Байрам сайлгоҳига айланган мактабда шу куни миллий урф-одат, қадриятларимизни улуғловчи сермазмун тадбирлар, варрак учириш, тош кўтариш, арқон тортиш каби Наврўз ўйинлари ўтказилди. Дошқозонда сумалак тайёрланиб, маҳаллаларда яшовчи пиру бадавлат отахон ва онахонларга улашилди.

А. Муҳаммадиев, 14-мактаб ўқитувчиси.