Мамлакатимизда ўқувчи- ёшларнинг иқтидорини тўла намоён этиши учун барча имкониятлар етарли. Шу боис ҳам иқтидорлилар сафи кун сайин кўпайиб бормоқда.
«Баркамол авлод» республика болалар бадиий ижодиёти марказида бўлиб ўтган «Ёш ҳунарманд» кўрик-танловининг республика босқичида «Заргарлик» йўналиши бўйича қатнашган Юсуфхон Исмоилов фахрли ўринни қўлга киритди. Юсуфхон 5-умумтаълим мактабининг 8-синфида ўқийди. Намунали хулқи ва фанларни аъло баҳоларга ўзлаштириши билан тенгдошларига ҳар томонлама намуна.
Танловнинг «Зардўзлик» йўналиши бўйича вилоят бос-қичида қатнашган 2-умумтаълим мактабининг 6-синф ўқувчиси Нозима Абдуллаева биринчи ўринни қўлга киритди. Эндиликда Нозима танловнинг республика босқичида қатнашиш учун қизғин тайёргарлик кўрмоқда.
Г. Изатуллаева, «Баркамол авлод» болалар маркази мутахассиси.