Истиқлол шарофати билан она-Ватанимиз эришаётган улкан ютуқ ва марралар, мамлакатимиз қиёфасини бутунлай ўзгартираётган янги иншоотлар ва ишлаб чиқариш корхоналари, ижтимоий объектлар ва тураржой бинолари, намунали уй-жойлар, умуман кенг миқёсдаги бунёдкорлик ишлари, халқимиз турмуш фаровонлиги ошиб бораётганида намоён бўлмоқда.

Юртбошимиз ташаббуси билан жорий йилга «Кексаларни эъзозлаш йили» деб ном берилиши, юртимизда кексалик ва у билан боғлиқ ижтимоий жараёнларга жамият ривожининг муҳим ижтимоий масалаласи сифатида эътибор кучайтирилаётганидан далолат бермоқда.

Мен ҳам ана шундай эл ардоғидаги нуронийлардан бириман Бухоро вилоятининг Жондор туманида яшайман. Мана, бир неча кундирки, «Косонсой» санаторийсида дам олиб, даволанмоқдаман. Кўркам табиат қучоғидаги бу масканда нуронийларга алоҳида эҳтиром кўрсатилаётганидан беҳад мамнун бўлдик

Жаннатмакон юртимизнинг энг чекка гўшаларидан бири бўлмиш Косонсойнинг табиат ином этган жамолига мафтун бўлдик. Кўплаб тарихий обидалар, салкам минг ёшли «Улуғ чинор» салобатидан ҳайратландик. Ҳа, дунёда ўзбек заминига тенг келадиган заминнинг ўзи йўқ. Уни авайлаб-асраш, авлодларга озод ва обод Ватан қолдириш муқаддас бурчимиздир.

Баҳром БаҚоев, Бухоро вилояти, Жондор тумани.