Юртбошимиз томонидан 2015 йилни «Кексаларни эъзозлаш йили» деб эълон қилингани, айниқса, биз кекса авлод вакилларини ниҳоятда қувонтирди. Ёши улуғларга эътибор, ҳурмат-эҳтиром юксак қадрият даражасига кўтарилган Ўзбекистондек жаннатмакон юртда яшаб, кексалик гаштини сураётганимдан фахрланаман.

Энг муҳими, юртимиз тинч, дастурхонимиз тўкин, турмушимиз фаровон. Тинчлик-бу бебаҳо неъмат. Уни ҳеч нарсага тенглаштириб бўлмайди. Мен урушни кўрганман. Ўқ ёмғирлари, портлашлар... эсласам, юрагим орқага тортиб кетади. Ана шундай талотўплардан омон қолиб, бугунги дориломон кунларга етказганига шукр.

Мустақиллик туфайли биз ҳурликка эришдик. Дунёнинг қайсидир минтақасида юз бераётган инқироз туфайли қашшоқлик, етишмовчиликлар келиб чиқмоқда ва бундан болалар, аёллар, кексалар кўпроқ азият чекмоқда. Бизнинг жаннатмакон юртимизда эса кексалар ҳамиша эъзозда. Тиббий хизматдан бепул фойдаланиш, дам олиш масканларида ҳордиқ чиқариш, пенсия ва нафақаларни ўз вақтида олиш имконига эгамиз.

Биз кексалар ёшларимизни юртга меҳрли-садоқатли, фидойи инсонлар этиб тарбиялашимиз, уларни тинч-осойишта, эркин ва фаровон ҳаётимизнинг қадрига етиш руҳида улғайтиришимиз лозим.

Абдусалом ТурҒунов,

Ширин ҚФЙ, Чуст кўча маҳалласида яшовчи иккинчи жаҳон уруши

иштирокчиси.