Туманимиздаги 3 - болалар мусиқа ва  санъат мактабида санъат йўлига қадам қўйган ёшларнинг истеъдоди ва салоҳиятини намоён этишларига етарли шарт-шароитлар яратилган.

Ўқув масканида болалар мусиқа асбобларини чалиш, миллий ва замонавий қўшиқ ва рақс санъати сир-асрорларини чуқур ўрганишади. Кейинги йилларда бу даргоҳда таҳсил олган ўнлаб ўқувчилар вилоят ва республика миқёсидаги танловларда қатнашиб, совринли ўринларга сазовор бўлишмоқда. Яқинда мактабда "Талантларни излаймиз!" деб номланган тадбир ўтказилди.

Унда туманимиздаги бир қатор мактабларнинг 3,4,5-синфлар ўқувчилари, уларнинг ота-оналари қатнашишди.

Тадбирда мактабнинг "Садаф", "Тарона", "Ниҳол" бадиий жамоалари, якка хонанда ва чолғучилари дилрабо куй ва қўшиқлар ижро этиб, тамошабинлар меҳрини қозонишди.

А. Раҳимов, халқ таълими аълочиси.