Шу йилнинг 20 январидан 20 мартига қадар давом этадиган ҳуқуқий акция эълон қилинган. Адлия вазирлиги томонидан ўткзилаётган "Ҳеч бир шахс ҳужжатсиз қолмайди" акцияси мобайнида бир қатор хайрли ишларни амалга оширишга киришилган.

Масалан,  туғилиши қайд этилмагани оқибатида шахсини тасдиқловчи ҳужжатларга эга бўлмаган шахсларга ёрдам кўрсатилади.  Яқин қариндошининг ўлими қайд этилмаган шахслар, туғилганлиги ёки яқин қариндошининг ўлими ҳақидаги тиббий маълумотномага эга бўлмагани сабабли юридик фактни белгилаш юзасидан судларга мурожаат қилиши лозим бўлган шахслар ҳуқуқий ёрдам олади. 

Шунингдек, тадбиркорлик субъектларини давлат рўйхатидан ўтказишда ёки қайта рўйхатдан ўтказишда муаммоларга дуч келаётган шахслар, кўчмас мулкларини давлат рўйхатидан ўтказишда қийинчиликларга учраётганларга кўмак кўрсатилади. 

Мазкур ҳуқуқий акция доирасида, жумладан, қайд этилмаган туғилганлик ва ўлим ҳолатлари республика миқёсида хатловдан ўтказилади. Тадбиркорлик субъектларини давлат рўйхатидан ўтказишда ва қайта рўйхатдан ўтказишда кўмаклашилади. Кўчмас мулкларни давлат рўйхатидан ўтказишда қийинчиликларга дуч келаётган шахсларга ҳам ваколатли органлар билан биргаликда амалий ёрдам кўрсатилади.

Наима Камолова, туман адлия бўлими бошлиғи.