Савол: Сиз 1 миллион сўмга сотиб олган телефон аппарати кафолат муддати ичида бузилиб қолди. Сервис хизматига 10 январда мурожаат этдингиз. Хизмат кўрсатувчи 10 кундан сўнг тузатиб беришини айтди, аммо белгиланган муддатдан 6 кун кечиктириб тузатиб берди. Бу ҳолатда қандай қонун талаблари белгиланган?
Жавоб: Ўзбекистон Республикаси "Истеъмолчиларнинг ҳуқуқларини ҳимоя қилиш тўғрисида"ги Қонуннинг 15-моддасига асосан шартномадан келиб чиқадиган муддатлардан кечиктирилган ҳар бир кун учун товар нархининг бир фоизи миқдорида истеъмолчига неустойка (пеня) тўланади. Бундай ҳолатда: неустойка (пеня) 6 кунга 60 000 сўмни ташкил қилади.
***
Савол: Сиз уйингизни таъмирлаш учун бўёқ сотиб олдингиз, лекин бўёқ сифатсизлиги боис соғлигингиз, мол-мулкингизга зарар етказилди. Бундай ҳолатда қонун ҳужжатларига кўра етказилган зарар ким томонидан қопланади?
Жавоб: "Истеъмолчиларнинг ҳуқуқларини ҳимоя қилиш тўғрисида"ги Қонуннинг 12-моддасига асосан бу ҳолатда ишлаб чиқарувчи, норматив хужжатларни тасдиқлаган, мувофиқлик сертификатини берган ҳамда реализация қилишга рухсат берган органлар жавобгар бўлади. Етказилган моддий ва маънавий зарар Қонуннинг 22-моддасига мувофиқ суд органлари томонидан белгиланиб, тегишли тартибда қопланади.
А. ҚАҲҲОРОВ, Истеъмолчилар ҳуқуқларини
ҳимоя қилиш жамияти туман аппарати
матбуот хизмати.