Ҳақиқатан юзаки қаралса, бир-биридан фарқ қилувчи иккита соҳа вакили ўртасида қандай боғлиқлик бўлиши мумкин, деган савол туғилади. Аммо чуқур таҳлил қилинса, ички ишлар ходими билан қишлоқ хўжалиги ходими ўртасида умумийлик кўп ва улар ўзаро ҳамкорликда акс этади. 

Профилактика инспекторининг ҳуқуқбузарликлар профилактикасида фермер хўжаликлари билан ҳамкорлиги - бу маъмурий ҳудуддаги криминоген вазиятни доимий равишда таҳлил қилиб боришда, мавсумий ҳосил йиғим вақтларида жамоат тартиби ва хавфсизлигини таъминлашда намоён бўлади. Айниқса, ижтимоий-руҳий муҳитни соғломлаштириш, ҳаёт тарзига кўра жиноят содир этишга мойил шахс-ларни аниқлаш ҳамда уларга тарбиявий-профилактик таъсир кўрсатиш, ишсиз аҳолини фойдали меҳнат билан жалб этишда ҳамкорликнинг ўрни ниҳоятда катта.

Шунингдек, экин майдонларидан унумли фойдаланиш, яъни улар пайхон қилинишининг; пахта ва буғдой йиғим-терими мавсумида ҳудудда содир этилиш мумкин бўлган  ўғирлик талончилик, ерларни ўзлаштиришнинг олдини олишда; жамоат тартибини сақлашда ўзаро ҳамжиҳатликнинг аҳамияти юқори ҳисобланади.

Фермер хўжаликлари экинларига солинадиган  селитра, карбамид, фосфор, фосфат калий ва аммиак каби ўғитларни талон-тарож қилинишига қарши курашиш назорати профилакатика инспекторларига юклатилгач, самара яққол кўзга ташланди. Экин майдонларида наша, ёввойи наша, кўкнори сингари тақиқланган экинлар етиштиришнинг олдини олишга эътибор қаратилаётгани ҳам самарали бўлмоқда.

Аҳрорбeк АБДУЛЛАЕВ,  ИИВ акадeмияси 308-гуруҳ курсанти.