"Косонсой-фарм" эркин иқтисодий зонаси учун дори-дармон воситаларини ишлаб чиқариш лойиҳаларини амалга оширишга ажратилган ҳудудда бунёдкорлик ишлари бошланиши олдидан маросим ўтказилди. Унда вилоят ҳокими, Олий Мажлис Сенати аъзоси Х. Бозоров, туман ҳокими в.б. Ж. Юлдашев, тадбиркорлар, кенг жамоатчилик вакиллари қатнашди.
Давлатимиз раҳбари томонидан юртимизда фармацевтика саноатини ривожлантиришга, аҳоли ва даволаш профилактика муассасаларини ўзимизда ишлаб чиқарилган сифатли, юқори самарали ва хавфсиз дори-дармон воситалари билан таъминлашга алоҳида эътибор қаратилмоқда.
Вилоят ҳокимлиги ва Бандлик бош бошқармасининг бевосита бош-қошлигида туманимизда бўш иш ўринлари ярмаркаси ўтказилди.
Шу куни ярмарка ўтказиш учун танланган жой- Косонсой технология ва иқтисодиёт касб-ҳунар коллежида эрта тонгданоқ, наинки туманимиз, балки вилоятимизнинг бир қатор туманларидан ва Наманган шаҳридаги тўқсондан ортиқ корхона ва ташкилотлар вакиллари ўзларига ажратилган жойни эгаллаб, фуқароларнинг қабул қилиш учун пухта тайёргарлик кўришди. Ҳар бир корхона ва ташкилот ўзларида мавжуд бўш ўринларнинг рекламасига алоҳида эътибор қаратди.
Соат миллари эрталабки тўққизга яқинлашмай туриб, коллеж одамлар билан гавжумлаша борди. Улар орасида маҳаллаларда ишсиз юрган фуқаролардан ташқари коллеж битирувчиси бўлган ёшлар, хотин-қизлар, Президентимиз фармонига асосан жазони ижро этиш муассасаларидан авф этилиб, уйларига қайтганларни учратиш мумкин.
Ҳар қандай расмиятчиликдан ҳоли, самимий руҳда кечган тадбирда фуқаролар ўзлари учун муносиб иш жойи танлаш имкониятига эга бўлишди.
Президентимизнинг «Республика иқтисодиёти тармоқлари ва ижтимоий соҳаларини 2017-2018 йиллар куз-қиш даврида барқарор ишлашга комплекс тайёрлашни таъминлаш чора-тадбирлари тўғрисида»ги қарори, шу асосда қабул қилинган вилоят, туман ҳокимлари қарорлари ижросини таъминлаш юзасидан туманда бир қатор ишлар амалга оширилди.
Туманда мавжуд 32 та кўп қаватли уйларда 10 та уй-жой мулкдорлари ширкатлари ташкил этилган. 2017-2018 йиллар куз-қиш мавсумини намунали ўтказиш учун 7 та уй-жойнинг том қисмлари имтиёзли кредит, хонадон эгаларининг бир марталик тўловлари ва ҳомийлар ёрдамида мукаммал ва жорий таъмирланди. 11 та уй-жойнинг том қисмлари таъмирталаб бўлиб, шу кунгача иккитасида таъмирлаш ишлари бажарилди. «Боғишамол-1» маҳалла фуқаролар йиғинида жойлашган «Боғишамол обод маскани» ширкатига қарашли 4 қаватли, 48 хонадондан иборат уй-жойнинг том қисмини таъмирлаш учун жами 144 млн. сўм маблағ режалаштирилиб, ҳозирги кунда 25 млн. сўм кредит маблағи ажратилган бўлиб, ушбу маблағ лойиҳа-смета ишлари, экспертиза, суғурталаш ва материал жамлаш учун сарфланган.
Конституциямизнинг 53-моддасида давлат истеъмолчиларнинг ҳуқуқи устунлигини ҳисобга олиб, иқтисодий фаолият, тадбиркорлик ва меҳнат қилиш эркинлигини, барча мулк шаклларининг тенг ҳуқуқлилиги ва ҳуқуқий жиҳатдан баб-баравар муҳофаза этилиши кафолатлаб қўйилган.
Бош Қомусимизга асосан мустақил юртимизда мулкдорлик, тадбиркорликни ривожлантиришга алоҳида эътибор қаратилиб, бу борада қонунлар, Президент фармонлари, ҳукумат қарорлари қабул қилиниб ҳаётга изчил татбиқ этилмоқда.
Жумладан, Президентимизнинг «Тадбиркорлик фаолиятини жадал ривожланишини таъминлашга, хусусий мулкни ҳар томонлама ҳимоя қилишга доир қўшимча чора-тадбирлар тўғрисида»ги Фармонига асосан хўжалик юритувчи субъектларни текширишлар қисқартирилиб, тадбиркорлик фаолиятига янада ишончли кафолатлар берилиб, инвестициявий жозибадорлиги оширилди.
Фермер, деҳқон хўжаликлари ва томорқа ер эгалари кенгаши конференцияси бўлиб ўтди.
Мамлакатимиз Президентининг жорий йил 9 октябрдаги «Фермер, деҳқон хўжаликлари ва томорқа ер эгаларининг ҳуқуқлари ва қонуний манфаатларини ҳимоя қилиш, қишлоқ хўжалиги экин майдонларидан самарали фойдаланиш тизимини тубдан такомиллаштириш чора-тадбирлари тўғрисида»ги Фармонида фермер, деҳқон хўжаликлари ва томорқа ер эгаларининг ҳуқуқлари ва қонуний манфаатларини ҳимоя қилиш каби устувор вазифалар белгиланган.
Ушбу Фармон ижросини тўлиқ ва сифатли таъминлаш мақсадида Ўзбекистон Республикаси Президентининг «Фермер, деҳқон хўжаликлари ва томорқа ер эгалари фаолиятини янада ривожлантириш бўйича ташкилий чора-тадбирлар тўғрисида»ги қарори эълон қилинди.
Ушбу ҳужжатда Ўзбекистон фермер, деҳқон хўжаликлари ва томорқа ер эгалари кенгашининг 2017 йил 22 сентябрь куни ўтказилган таъсис конференциясида белгиланган асосий вазифалар ва фаолият йўналишлари мустаҳкамлаб қўйилди.
Юртимизда аҳоли пунктларининг санитария ҳолатини яхшилаш, маиший чиқиндиларни тўплаш, ташиш, қайта ишлаш, утилизация қилиш ва кўмиш ишларининг самарадорлигини оширишга алоҳида эътибор кучайтирилмоқда. Президентимизнинг шу йил 21 апрелдаги «2017-2021 йилларда маиший чиқиндилар билан боғлиқ ишларни амалга ошириш тизимини тубдан такомиллаштириш ва ривожлантириш чора-тадбирлари тўғрисида»ги қарори ҳам юртимизда экология ва санитария муҳитини янада яхшилаш, аҳоли саломатлигини мустаҳкамлаш, шаҳар ва қишлоқларимизнинг янада обод ва кўркам бўлиши учун муҳим дастуруламал бўлиб хизмат қилади.
Ушбу муҳим ҳужжат билан вилоятлардаги экология ва атроф – муҳитни муҳофаза қилиш бошқармалари ҳузуридаги «Тоза ҳудуд» давлат унитар корхоналарининг самарали фаолият юритиши учун муҳим вазифалари белгилаб берилди.
Жорий йил 28 сентябрдаги вилоят ҳокимининг «Вилоятдаги қаттиқ маиший чиқиндиларни ташиб чиқариш хизматини кўрсатиш бўйича янги тарифларини тасдиқлаш тўғрисида»ги қарори билан вилоятда қаттиқ маиший чиқиндиларни ташиб чиқариш бўйича санитар-тозалов хизматининг чекланган тарифи аҳоли учун бир кишига ойига-2000 сўм, юридик истеъмолчиларга-30000 сўм этиб белгиланди.
Макроиқтисодий барқарорликни янада мустаҳкамлаш, юқори иқтисодий ўсиш суръатларини сақлаб қолиш, иқтисодиётнинг етакчи тармоқларини модернизация ва диверсификация қилиш ҳисобига ишлаб чиқарилаётган маҳсулотларнинг рақобатбардошлигини ошириш ва бунинг эвазига мамлакат экспорт салоҳиятини кучайтириш 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясининг асосий йўналишларидан бири сифатида белгиланган.
Ҳаракатлар стратегиясида иқтисодиётни ривожлантиришда ҳудудий эҳтиёжлар ва манфаатлар нуқтаи назаридан келиб чиқиб иш кўриш, дастурлар ишлаб чиқиш муҳим аҳамият касб этади.
-Туманнинг жорий йилга мўлжалланган ижтимоий-иқтисодий ривожлантириш дастурида ҳам айнан шу жиҳатларга алоҳида эътибор берилган,- дейди туман иқтисодиёт ва комплекс ривожлантириш бўлими бошлиғи У. Худойбердиев.- Хусусан, жорий йилда жами 94 та, шундан саноатда 24 та, қишлоқ хўжалигида 34 та ва хизмат кўрсатиш соҳасида 36 та лойиҳани амалга ошириш кўзда тутилган.
Қўқимбойнинг «Янги йўл»маҳалласи аҳолиси асосан чорва ва деҳқончилик билан шуғулланади. Кейинги йилларда тадбиркорлик, оилавий бизнес ва томорқа хўжалиги билан шуғулланувчи оилалар сони ортиб бормоқда. Шулардан бири Акмалжон Ҳайитовлар оиласидир.
Оилада ўн нафар жон бор. Оила соябони Ҳурматой опа Темирова фарзандларига тўғри йўл кўрсатиб, дуо-да бўлади.
Бундан бир-икки йил бурун Акмалжон укалари Сардор ва Санжарни ёнига олиб, 35 сотих ерга иссиқхона қуриб, 80 туп лимон, помидор кўчатлари етиштира бошлади. Бу ишда тажрибали бўлган тоғаси Б. Темиров жиянларига йўл-йўриқ, маслаҳатлар бериб турди.
Дастлабки йили помидордан яхшигина ҳосил олди. Икки йил ўтиб эса лимонлар шундай ҳосилга кирдики, ҳар бир тупида ўртача 6-8 килодан ҳосил етиштирилди. Иссиқхона туфайли оила аъзоларидан ташқари 2 нафар қишлоқ аёли иш билан таъминланди. Акмалжон оилавий бизнесни кенгайтиришга аҳд қилиб, қорамол боқишни ҳам йўлга қўйди. Ҳозирда оиланинг зотли моллари сони олтитага етди. Оила саркори Акмалжон қишлоқ ёшларининг спорт билан шуғулланишига шароит яратиш мақсадида кичик футбол майдони қуришга бел боғлади. Бу лойиҳа учун «Ипак йўли» банкидан 3 йил муддатга 60 млн. сўм миқдорида кредит олишди.
Мамлакатимиз Президентининг жорий йил 27 июндаги «Ўзбекистон Республикаси Давлат мустақиллигининг йигирма олти йиллик байрамига тайёргарлик кўриш ва уни ўтказиш тўғрисида»ги қарорида «Халқ бой бўлса, давлат ҳам бой ва қудратли бўлади» деган ғоя илгари сурилганлиги эътиборга моликдир. Дарҳақиқат, юртимизда аҳоли, айниқса, ёшларни тадбиркорликка кенг жалб этиш, оилавий бизнес ва касаначилик, томорқа хўжалигини ривожлантиришга алоҳида эътибор қаратилмоқда. Жумладан, Бурҳонжон Юсупов ана шундай қишлоқ аҳлига берилаётган имкониятлардан самарали фойдаланиб келаётганлардан бири.
Узоқ йиллар мактабда ўқувчиларга сабоқ бериб келган устоз-мураббий Б. Юсупов 2006 йилда собиқ Ш. Рашидов хўжалиги ҳудудидаги 0,40 га ерни биржа орқали сотиб олиб, боғ яратишга аҳд қилди. Унинг бу ташаббусини оила аъзолари қўллаб-қувватлашди. Дастлабки, йилиёқ, гилос, шафтоли кўчатларини экиб парваришлашни бошлашди. Қатор ораларига эса турли сабзавотлар экишди. Шу йили оиланинг сабзавот хирмони баракали бўлди. Ўзларидан ортганини бозорга олиб чиқиб, сотишди.
2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси келгуси беш йиллик тараққиётимизни белгилаб берадиган ҳужжатдир. Ҳаракатлар стратегиясига мувофиқ, хусусий тадбиркорлик ва кичик бизнеснинг янада равнақ топиши учун эркинлик бериш ва қулай имкониятлар яратиш юртимизда ишбилармонлик муҳитини янада яхшилаш ва мустаҳкамлашга замин яратади.
Бугун олдимизга қўйилаётган мамлакатимизда тадбиркорлик субъектларининг ҳуқуқлари ва манфаатларини қонун билан ҳимоя қилиш ҳамда уларни ҳар томонлама қўллаб-қувватлашга йўналтирилган вазифалар ана шу мақсадларга хизмат қилаяпти.
Хусусан, тегишли ҳужжатларга мувофиқ, давлат хизматларидан фойдаланишда бюрократик тўсиқларни бартараф этиш, очиқлик ва шаффофликни таъминлаш, тадбиркорликнинг хизмат кўрсатувчи мансабдор шахслар билан бевосита алоқасини истисно қилиш мақсадида туман (шаҳар) ҳокимиятлари ҳузуридаги тадбиркорлик субъектларини рўйхатга олиш инспекциялари негизида «ягона дарча» тамойили асосида тадбиркорлик субъектларига давлат хизматлари кўрсатиш ягона марказлари ташкил этилди.
Мозийга бир назар
Фойдали ҳаволалар
