Жорий йилнинг 10-11 октябрь кунлари Россиянинг Сочи шаҳрида МДҲ давлат раҳбарлари Кенгаши мажлиси бўлиб ўтди. Унда мамлакатимиз Президенти Шавкат Мирзиёев сўзга чиқиб, мажлис кун тартибидаги масалалар юзасидан таклифлар билдирди. Уларда, нафақат, юртимизда, балки ҳамдўстликка аъзо мамлакатларда ҳам янги ишчи ўринлари яратиш, иқтисодиётни ривожлантириш, халқ турмуши фаровонлигини ошириш, тинчлик ва хотиржамликни асраш каби улуғ мақсадлар мужассам бўлди.
Президентимизнинг, айниқса, илмий-амалий техник ҳамкорлик ва таълим соҳасидаги алмашинувни кенгайтириш, туризм соҳасининг истиқболлари, бу соҳадаги ҳамкорликнинг 2020 йилга қадар ривожлантириш стратегияси, ана шу мақсадларга хизмат қилувчи ҳамдўстликнинг туризм бўйича кенгашининг навбатдаги мажлисларидан бирини Самарқандда ўтказиш, ҳар қандай давлат ва жамиятнинг асосини ташкил этадиган асл ва фундаментал қадриятлардан бири Оила институти ва оилавий қадриятларни қўллаб-қувватлаш, ушбу муҳим соҳада тажриба алмашиш мақсадида Ўзбекистон келгуси йилда "Оилани мустаҳкамлаш ва ўсиб келаётган ёш авлодни тарбиялашда ўзини ўзи бошқариш органларининг роли" мавзуида халқаро конференция ўтказиш кабилар шулар жумласидандир.
Савол: -Президентиимизнинг жорий йил 2 сентябрдаги «Валюта сиёсатини либераллаштириш бўйича биринчи навбатдаги чора-тадбирлар тўғрисида»ги Фармони шубҳасиз миллий валютамиз барқарорлигини таъминлашга хизмат қилади. Ушбу ҳужжатга асосан юридик ва жисмоний шахслар қандай кафолатга эга бўлишади?
Саволга Бош прокуратура ҳузуридаги департаментнинг туман бўлими суриштирувчиси О.Садритдинов жавоб беради:
-Мазкур Фармон билан юридик ва жисмоний шахслар томонидан чет эл валютаси жорий халқаро валюта операцияларини амалга ошириш учун банкларда эркин сотиб олиниши ва сотилиши кафолатланади.
Хусусан, юридик шахслар ўз маблағларини банкларда жорий халқаро валюта операцияларини, шу жумладан, товар, иш ва хизматлар импорти, фойдани репатриация қилиш, кредитларни қайтариш, хизмат сафари харажатларини тўлаш ва бошқа савдо характерига эга бўлмаган операцияларни амалга ошириш учун чет эл валютасига чекловларсиз эркин конвертация қилишлари мумкин.
Президентимизнинг жорий йил 29 майдаги «Электр энергияси ва табиий газ етказиб бериш ҳамда истеъмол қилиш соҳасида тўлов интизомини янада мустаҳкамлаш, шунингдек, ижро иши юритиш тизимини тубдан такомиллаштириш чора-тадбирлари тўғрисида»ги Фармони ижроси юзасидан туманда бир қатор ишлар амалга оширилди.
Энг аввало, 2017 йил 1 июндаги «Республикада турар ва нотурар жой фондини инвентаризациядан ўтказишга оид ташкилий тадбирларни белгилаш бўйича» Қўшма фармойишнинг туманда ижросига эътибор кучайтириляпти. Ҳудудий ишчи гуруҳлар фаолиятини мувофиқлаштирувчи штаб ҳамда ҳудудларда 16 та ишчи гуруҳлари тузилди. Улар асосан тумандаги турар ва нотурар жой фондини инвентаризациядан ўтказиш, солиқ базаларининг ҳақиқий ҳисобини юритиш, тўлов интизомини мустаҳкамлаш ҳамда аҳолининг бу борадаги ҳуқуқий маданиятини янада оширишга эътибор қаратишди.
Хусусан, ўтган даврда туман бўйича 10.570 та турар ва нотурар жой бинолари инвентаризациядан ўтказилди.
Мамлакатимиз Президентининг жорий йил 8 сентябрдаги «Ўзбекистон Республикасида маъмурий ислоҳотлар концепциясини тасдиқлаш тўғрисида» ги Фармони билан «Ўзбекистон Республикасида маъмурий ислоҳотлар концепцияси» тасдиқланди.
Президентимизнинг «Ўзбе-кистон Республикасида маъмурий ислоҳотлар концепциясини тасдиқлаш тўғрисида» ги Фармонида таъкидланган оламшумул аҳамиятга эга фикрлар ҳеч биримизни бефарқ қолдирмайди. Фармонда кечаги ва бугунги кунимиз ҳаётий мисоллар орқали чуқур таҳлил этилгани ғоят аҳамиятлидир. Унда рўй-рост эътироф этилганидек, сўнгги йилда амалга оширилган кенг кўламли ишларнинг объектив таҳлили, давлат бошқаруви органлари фаолияти, аҳоли билан очиқ ва тўғридан-тўғри мулоқот натижалари мавжуд муаммо ва камчиликларни тизимли ҳал этишга эҳтиёж вужудга келганлигини кўрсатди.
Бу, биринчи навбатда, қуйи-даги ҳолатларга тааллуқлидир:
Мустақиллик йилларида мамлакатимизда фармацевтика соҳасини янада ривожлантириш, янги ишлаб чиқариш қувватларини ишга тушириш, жаҳон бозорида рақобатбардош тайёр маҳсулотлар ишлаб чиқариш ҳажмларини ва унинг турларини кенгайтиришга эътибор кучайтирилмоқда.
Хусусан, мамлакатимиз Президентининг жорий йил 3 майдаги «Нукус-фарм», «Замин-фарм», «Косонсой фарм», «Сирдарё-фарм», «Бойсун-фарм», «Бўстонлиқ-фарм» ва «Паркент-фарм» эркин иқтисодий зоналарини ташкил этиш тўғрисида»ги Фармони бу борадаги ишларни янада авж олдирилишига замин яратмоқда.
Мазкур фармонга мувофиқ туманимизда «Косонсой-фарм» эркин иқтисодий зонаси ташкил этилиши бежиз эмас. Чунки туманда халқаро тиббиёт амалиётида фойдаланилаётган 350 турдаги доривор ўсимликларнинг аксариятини етиштириш учун қулай иқлим шароити мавжуд. Туманнинг бетакрор табиатида ҳам жуда кўплаб доривор гиёҳларни учратиш мумкин. Қолаверса, тоза об-ҳаво, зилол сувимиз янги плантацияларда сифатли доривор ўсимликларни етиштириш имконини беради.
Халқимизнинг турмуш фаровонлигини янада ошириш, аҳолини меҳнат қилиши ва яхши яшаши учун зарур қулайликлар яратиш, ҳолидан хабар олиш, фикрини эшитиш, мавжуд муаммоларни ўрнида ҳал этишда одамлар билан очиқ мулоқотларнинг таъсирчан ва самарали усулларидан кенг фойдаланиш муҳим аҳамият касб этмоқда.
Ҳудудларга бириктирилган раҳбарлар, улар бошчилигидаги ишчи гуруҳлари томонидан маҳаллаларда олиб борилаётган ўрганишларда ҳудуд ижтимоий-иқтисодий ҳаётининг барча қирраси қамраб олинмоқда. Айниқса, аҳоли билан очиқ мулоқотларда тилга олинган муаммоларга эътибор қаратилиб, зарур амалий чоралар кўрилмоқда.
Туман ҳокими в.б. Ж.Юлдашевнинг «Чорбоғ», «Ўрикзор» маҳаллалари аҳли билан мулоқоти ҳам ҳар қандай расмиятчиликдан холи, самимий, дилдан суҳбат тусини олди.
Аввало, шуни таъкидлаб ўтиш жоизки, ҳоким раҳбарлигида ишчи гуруҳнинг хонадонма-хонадон юриши асносида кўпчиликнинг оғирини енгил, мушкулини осон қилиш, мақсади мужассам бўлди. Одамлар ўзларини ўйлантираётган муаммони эмин-эркин билдириш имкониятига эга бўлганлиги ҳам инсон манфаатига эътиборнинг яна бир намунасидир.
Ватанимиз мустақиллиги йилдан – йилга мустаҳкамланиб, жонажон юртимиз халқаро майдонда муносиб ўрнини эгаллаб, эл-юрт фаровонлиги юксалиб бормоқда. Бахтимиз шундаки, юртимизда тинчлик, хотиржамлик ҳукмрон. Буни ҳар биримиз теран англамоғимиз, қадрламоғимиз лозим.
Фарзандларим, набираларим даврасида юртимиздаги тинчлик ва хотиржамликнинг аҳамияти, уни асраб – авайлаш зарурлигини уларга қайта-қайта уқтираман. Муҳтарам Президентимиз кимлар билан мулоқот қилмасин, албатта, юртимизда ижтимоий- маънавий муҳитни яхшилаш, ёшларни турли диний экстремистик оқимлар, «одам савдоси», «оммавий маданият» каби иллатлардан асраш масаласи барчамиз учун энг асосий вазифа эканлигини қайта-қайта уқтириб келадилар. Бежиз, «Ўз болангни ўзинг асра!» деган даъватни илгари сурмадилар. Чунки ҳар бир ота-она фарзандлар тарбияси учун масъул. Агар ҳар биримиз фарзандларимизни тўғри таълим ҳамда тарбия берсак, бу ишга масъулият билан ёшдошсак, тимнчлик ва хотиржамлигимиз бардавом, юртимиз келажаги янада нурафшон бўлади.
Президентимизнинг шу йил 12 июлдаги Олий Мажлис палаталари, сиёсий партиялар ҳамда Ўзбекистон экологик ҳаракати вакиллари иштирокидаги ўтказилган видеоселектор йиғилишидаги маърузасида хотин-қизлар ўртасида жиноятчиликнинг олдини олиш, уларни хорижга чиқиб кетишдан қайтариш, аёллар орасида ўз жонига қасд қилиш каби нохуш вазиятларга қарши туриш шарт эканлиги ҳақида гапирар экан, бу борада «Аёллар қаноти» изланиши, тарғибот-ташвиқот ишларини кучайтириши, шу йўналишда янги лойиҳалар ишлаб чиқиши зарурлигини ҳис қилдик.
Дарҳақиқат, аёл нима учун четдан нажот излайди, нима учун жиноятга қўл уради, нима учун оиласи, етмиш икки томири жон талашиб дунёга келтирган фарзандлари ҳам кўзига кўринмай ширин жонига қасд қилади? Сабаб битта: унинг муаммоси бор! Унга қандайдир ёрдам керак! Айтилган фикрлар бизни хулосага ундади: демак биз бу борада кўпроқ, яхшироқ ишлашимиз керак. Чекка-чекка ҳудудларда хотин-қизлар билан бўлаётган мулоқотларимизни тўхтатмайлик, натижаларни кўрсатайлик, хотин-қизлар бандлигини
Вилоят ҳокими, Ўзбекистон Республикаси Олий Мажлиси Сенати аъзоси Х. Бозоровнинг вилоятимиз аҳли ва ёшларига Мурожаатида ёшларнинг ватанпарвар, маърифатпарвар, фидойи ҳамюртимиз Исҳоқхон тўра Ибратга муносиб бўлишга даъват этилган. Дарҳақиқат, буюк аллома Ибратнинг ҳаёти муҳтарам Президен-тимиз таъкидлаганларидек, биз ёшларга ибрат ва на-муна.
Маънавий ҳаётини, борлиғини, ақл-идрокини ўз халқи истиқболига бағишлаган Исҳоқхон тўра Ибрат нодир адабий мероси, кенг қамровли ижодий фаолияти билан ўзбек адабиёти ривожига улкан ҳисса қўшган. Буюк бобомиз етти тилни мукаммал билган ҳолда ёшларни чуқур билим олишга, хорижий тилларни ўрганишга даъват этиб келган.
Мустақил юртимизда ёшларнинг маънавий-ахлоқий жиҳатдан етук, жисмонан соғлом бўлиши учун барча шароит ва имкониятлар яратилган. Биз ана шу имкониятлардан фойдаланиб, аъло ўқишга, жамоат ишларида фаоллик кўрсатишга интилмоқдамиз. Шахсан мен, бўш пайтларимда спорт билан изчил шуғулланиб келаман. Бундан ташқари, инглиз тилини чуқур ўрганаяпман. Бунда устозларимнинг хизматлари катта.
Халқ давлат идораларига эмас, давлат идоралари халқимизга хизмат қилиши керак. Президентимизнинг ушбу даъватлари халқимизнинг қалбидан чуқур жой олди. Давлатимиз раҳбарининг топшириғига асосан Юртимизнинг ҳар бир гўшаси, жумладан, туманимизда ҳам бир қатор давлат бошқаруви идоралари раҳбарлари, масъул ходимлар очиқ мулоқотлар, сайёр қабуллар ўтказаётгани аҳолини ўйлантираётган кўплаб масалаларга ойдинлик киритилишига ва муаммоларнинг ечимини топишга хизмат қилмоқда.
Ўзбекистон Республикаси Марказий банки бошқаруви раиси ўринбосари Шерзод Ҳожизодаев, «Туронбанк» бошқаруви раиси Чори Мирзаев ва бошқа масъул шахсларнинг туманимиз фуқаролари билан ўтказган сайёр қабулида кўплаб муаммолар жойида ҳал қилинди.
-Маҳалла гузари қуриш учун саккиз ойдан буён 150,0 млн сўм кредит маблағи ололмай келаётгандим, -дейди тадбиркор М. Муҳаммадиев,-Миллий банкнинг туман филиалида бўлиб ўтган сайёр қабулда бу муаммо ҳал бўлди. Ўз маблағим ҳисобидан қурилаётган, қурилиши тугалланмаган 3-қаватли бинони гаровга қўйиш шарти билан менга кредит ажратиладиган бўлди.
Мозийга бир назар
Фойдали ҳаволалар
