Халқ депутатлари Косонсой туман Кенгашининг навбатдан ташқари сессияси бўлиб ўтди. Сессияда халқ депутатлари вилоят ва туман Кенгаши депутатлари, вилоят ва туман ҳокимининг ўринбосарлари, ҳокимликнинг гуруҳ, котибият, бўлим ва бошқармалари, ҳуқуқни муҳофаза қилиш идоралари раҳбарлари, ОАВ вакиллари иштирок этди.
Сессияда вилоят ҳокими, Олий Мажлис Сенати аъзоси Хайрулла Бозаров сўзга чиқиб, туманда истиқлол йилларида эришилган натижаларни таъкидлаб ўтиш билан бир қаторда кейинги йилларда йиғилиб қолган долзарб муаммолар ва уларни бартараф этиш юзасидан амалга оширилиши зарур бўлган вазифалар хусусида тўхталди.
Сессияда ташкилий масала кўрилди. Ҳозирда Косонсой тумани ҳокимининг саноатни ривожлантириш, капитал қурилиш, коммуникациялар ва коммунал хўжалик масалалари бўйича ўринбосари, Косонсой тумани ҳокими вазифасини бажариб келган Юлдашев Жавлонбек Набижанович Косонсой тумани ҳокими этиб тасдиқланди.
"Инсон манфаатлари-ҳамма нарсадан устун", "Халқ давлат идораларига эмас, давлат идоралари халқимизга хизмат қилиши керак" деган эзгу ғоялар юртимиз тараққиётининг янги босқичида кўзда тутилган ислоҳотлардан кўзланган мақсаддир.
Ҳаракатлар стратегиясини "Фаол тадбиркорлик инновацион ғоялар ва технологияларни қўллаб-қувватлар йили" Давлат дастурида белгиланган чора-тадбирларни амалга ошириш барқарор иқтисодий ривожлантиришни таъминлаш, аҳоли фаровонлигини амалда юксалишига хизмат қилади.
Жорий йилда туманимиздаги 38-мактабда кенг кўламда бунёдкорлик ишларини амалга ошириш кўзда тутилган. Жумладан, давлат бюджети ҳисобидан спорт зал, мажлислар зали таъмирланади. Бу мақсадлар учун 130 млн. сўм маблағ сарфланади.
Тумандаги 6-мактабгача таълим - тарбия муассасининг эскириб кетган электр тармоғи бутунлай янгиланди. Бу ишда туман электр тармоқлари корхонаси ишчи-хизматчилари алоҳида жонбозлик кўрсатишди.
Мамлакатимиз Президентининг Олий Мажлисга Мурожаатномаси замонавий давлатчилигимизда улкан ўзгариш ясаган тарихий воқеа бўлди. Юртбошимиз ўз Мурожаатномасида хал-қимизни қийнаётган, тараққиётимизга ғов бўлаётган кўпдан кўп муаммолар ҳақида очиқ-ойдин гапирди. Баландпарвоз иборалар, сохта рақамлар эмас, аччиқ бўлсада ҳақиқий кўрсаткичлар айтилди. Шу билан бирга, мамлакатимизни келгусида ҳар томонлама ривожлантиришга қаратилган устувор вазифаларни белгилаб берди ва бир қанча қонунчилик ташаббуслари илгари сурилди.
Косонсой маиший хизмат касб-ҳунар коллежида O'zLiDeP туман кенгаши ташаббуси билан Президентимизнинг Олий Мажлисга мурожаатномасининг мазмун-моҳияти, ундан келиб чиқадиган вазифаларнинг ижросини таъминлашда партия ҳудудий кенгашларининг ўрни ва роли масалаласига бағишлаб семинар-йиғилиш ўтказилди.
Кун тартибидаги масала юзасидан партиянинг туман кенгаши аппарат раҳбари И. Ангуров маъруза қилди.
Партиянинг вилоят кенгаши масъул ходими М. Тўхтасинов Мурожаатномада белгиланган долзарб вазифа-қонун устуворлигини таъминлаш, суд ва ҳуқуқ тизимини янада ислоҳ қилишнинг устувор йўналишлари ҳақида гапирди.
Истиқлол йилларида миллий армиямиз чин маънода ёшларни жисмонан чиниқтирувчи, уларнинг ҳарбий билим ва дунёқарашини бойитувчи, иродасини тоблаб, маънавиятини, Ватанга садоқатини юксалтирувчи камолот мактабига айланди.
Ўзбекистон Республикаси Президенти, Қуролли Кучлар Олий Бош қўмондони Шавкат Мирзиёев раҳнамолигида бу соҳани ислоҳ қилишнинг янги босқичида, энг аввало, миллий армиямиз мудофаа қудратини, жанговар салоҳиятини юксалтириш, ҳар қандай хавф-хатарни чуқур таҳлил этишга қодир, тезкор ва тўғри қарор қабул қила оладиган, замонавий билим ва юксак маънавий-ахлоқий фазилатларга эга ҳарбий хизматчиларни тайёрлашга, уларнинг яшаш шароитларини яхшилашга эътибор кучайтирилмоқда.
«Ўзбекистон Республикаси Қонун билан тасдиқланадиган ўз давлат рамзлари-байроғи, герби ва мадҳиясига эга». (Ўзбекистон Республикасининг Конституцияси 5-моддаси).
Ватанимиз байроғи дунёнинг энг юксак минбарларида мағрур ҳилпираётганини кўрган лаҳзаларда Ватан учун, унинг тинчлиги, истиқболи учун жон фидо қилишга тайёрлигингни ҳис қиласан. Ҳа, давлатимиз байроғи юртдошларимиз қалбида ватанпарварлик туйғуларини кучайтириш, халқаро миқёсда мамлакатимиз обрў-эътиборини мустаҳкамлашда муҳим восита бўлиб хизмат қилмоқда.
Коллежимизда барча ўқувчи-ёшлар иштирокида ўтказилган маънавий-маърифий тадбир ҳам ана шу мақсадларга хизмат қилди.
Коллежнинг маънавий –маърифий ишлар бўйича директор ўринбосари Д. Абдулҳаев, ижтимоий фанлар кафедраси мудири Р. Мираҳмедов сўзга чиқиб, мустақил юртимиз давлат байроғи, герби, мадҳияси ҳақида маълумотлар бериб, ўқувчиларни аъло ўқишга, жамоат ишларида фаол, юрт равнақи йўлида фидойи бўлишга даъват этдилар. Истеъдодли ўқувчи-ёшлар қўшиқ ва рақслар, саҳна кўринишларидан парчалар ижро этишди.
Ўзбекистон Республикаси Конституцияси қабул қилинганлигининг 25 йиллиги муносабати билан туман ҳокимлигида тадбир бўлиб ўтди.
Тадбирни туман ҳокими в.б. Ж. Юлдашев очди. Ўзбекистон Республикаси Давлат мадҳияси янгради. -Озод ва ҳур диёримизда, жумладан, туманимизда эришган барча ютуқ ва марраларимииз Конституциямизнинг ҳаётбахш қудратини, унда мужассам бўлган қоида ва нормаларнинг нақадар чуқур ўйлангани, ҳар томонлама мустаҳкам асосга эга эканини ҳаётнинг ўзи тасдиқлаб турибди,-деди Ж. Юлдашев.
Мамлакатимиз Президентининг шу йил 26 августдаги «Ўзбекистон Республикаси мустақиллигининг йигирма олти йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида»ги Фармонига асосан «Нуроний» жамғармаси туман бўлинмаси раиси Ёқубжон Эшматов «Шуҳрат» медали билан мукофотланган эди. Юксак мукофот Ё. Эшматовга тантанали равишда топширилди.
Тадбиркорлар ва ишбилармонлар ҳаракати – Ўзбекистон Либерал демократик партияси дастурида аҳолини тадбиркорликка жалб этиш орқали уларнинг турмуш шароитини янада яхшилаш, мамлакатимиз ялпи ички маҳсулотида кичик бизнес ва хусусий тадбиркорликнинг улушини оширишга йўналтирилган вазифалар белгиланган. Партиянинг Сиёсий кенгаши ижроия қўмитаси, ҳудудий, туман (шаҳар) ташкилотлари ҳамда «ХХI аср» ижтимоий-сиёсий газетаси ташкилотчилигида ишлаб чиқилган «O’zLiDeP бошланғич ташкилотлари ўз томорқасида фаолият бошлаганларга кўмакдош» лойиҳаси ҳам ана шу мақсадларга хизмат қилмоқда.
Лойиҳа давомида ҳар бир бошланғич партия ташкилоти халқ депутатлари туман Кенгашидаги партия депутатлари билан ҳамкорликда ўз томорқасида шахсий тадбиркорликни бошламоқчи бўлган ёки бу ишни бошлаб, айрим муаммоларга дуч келаётган оилаларни оталиққа олган ҳолда, уларга томорқа хўжаликлари тўлақонли юриб кетгунча яқиндан ёрдам кўрсатиш, ушбу оилаларнинг моддий фаровонлигини ошириш ҳамда маънавий ва ҳуқуқий саводхонлигини оширишга йўналтирилган тарғибот – ташвиқот ишларини олиб боради.
Жорий йилнинг 12 июнь куни ўтказилган видеоселектор йиғилишида давлатимиз раҳбари Ш. Мирзиёев биз, партия вакиллари, депутатлардан мамлакатимизда олиб борилаётган кенг кўламли ислоҳотларнинг нафақат иштирокчиси, балки ташаббускори ва асосий ижрочиси бўлишимиз ва бошқаларга намуна кўрсатишимиз зарурлигини алоҳида таъкидладилар. Энг муҳими, партиявий фаолиятда йўл қуйган камчиликларимиз рўй-рост айтилди. Президентимиз партия сафини билимли, ташкилотчи ва ватанпарвар ёш кадрлар билан тўлдириш, партия ишида тобланган кадрларни давлат органлари ва ҳокимлик тизимидаги лавозимларга тавсия қилиш кераклигини таъкидлаб ўтди.
Бугун мамлакатни модернизация қилиш ва кучли фуқаролик жамиятини барпо этиш жараёнида сиёсий партияларнинг етакчи кучга айланиб бораётгани кадрлар зиммасига катта масъулият юклайди. Кадрлар ҳар жиҳатдан билимли ва салоҳиятли бўлса, партия фаолияти кучаяди, жамиятдаги таъсир кучи ошади.
Партиямизнинг туман кенгаши кадрлар захирасини тайёрлаш бўйича чора-тадбирлар ишлаб чиққан. Бунда асосий эътибор, бошланғич ташкилотлар фаолиятини кучайтириш, депутатлар фаолиятини ўрганиш, тарғибот-ташвиқот тадбирлари самарасини ошириш, хайрихоҳ ёшлар сафини кенгайтириш масалаларига қаратиляпти.
Ҳуқуқий маданият, албатта, қабул қилинган қонунларнинг жамиятда устувор кучга айланиши билан изоҳланади. Шу боис фуқароларни, айниқса, ёшларни қонунларга итоаткорлик руҳида тарбиялашга алоҳида эътибор билан ёндашмоғимиз керак.
Жорий йилнинг 15 ноябрь куни бўлиб ўтган видеоселектор йиғилишида Президентимиз ёшлар орасида жиноятчиликнинг олдини олиш бўйича амалга оширилиши зарур бўлган ишлар атрофлича таҳлил қилиш билан бирга, бу масалада таълим муассасалари олдидаги вазифаларни белгилаб бердилар. Дарҳақиқат, келажагимиз эгаларининг ҳуқуқий маданиятини ошириш, уларни нотўғри қараш ва ёт ғоялар таъсиридан ҳимоялашда таълим муассасалари, маҳалла, ички ишлар органларининг ҳамкорлигини мустаҳкамлаш муҳим ўрин тутади.
Вояга етмаганларни билим олиши, дарсдан бўш вақтларини мазмунли ўтказиши учун мактабимизда етарли шарт-шароитлар яратилган. Ўндан зиёд спорт тўгараги фаолияти йўлга қўйилган. Бу ва бошқа фан тўгаракларига ўқувчиларнинг тўлиқ жалб этилиши ўсмирлар ўртасида соғлом турмуш тарзининг шаклланишига, жиноятчилик ва ҳуқуқбузарлик ҳолатларига барҳам берилишига замин яратади.
Ўзбекистон Республикасининг Конституцияси халқимизнинг хоҳиш – иродаси, инсон ҳуқуқ ва манфаатлари, халқаро ҳуқуқнинг умумэътироф этилган меъёрларини мужассамлаштирган ҳуқуқий ҳужжатдир. Бош қомусимизда ҳар бир инсоннинг ҳуқуқ ва манфаатлари, жумладан, ёшларнинг таълим олиш, касб-ҳунар эгаллашига доир ҳуқуқлари кафолатланган.
Айни кунларда Конституциямизнинг йигирма беш йиллиги муносабати билан турли жамоат ташкилотлари, таълим муассасаларида маданий – маърифий тадбирлар, учрашув ҳамда давра суҳбатлари ўтказилмоқда.
Туман ҳокимлиги мажлислар залида ўтказилган тадбир ҳам Ўзбекистон Республикасининг Конституцияси қабул қилинганлигининг 25 йиллигига бағишланди.
Тадбирни туман ҳокимининг ўринбосари, хотин-қизлар қўмитаси раиси Д. Валиева очди ва олиб борди.
Мозийга бир назар
Фойдали ҳаволалар
