Референдум Ўзбекистон Республикасининг қонунлари ва бошқа қарорларни қабул қилиш мақсадларида жамият ва давлат ҳаётининг энг муҳим масалалари юзасидан фуқароларнинг умумхалқ овоз беришидир. У сайловлар билан бир қаторда, халқ иродасининг бевосита ифодасидир. Референдумда қабул қилинган қарорлар олий юридик кучга эга бўлади. Бу тадбир ўтказилиши билан боғлиқ участкалар туман ва шаҳар ҳокимларининг тақдимномасига биноан округ комиссиялари томонидан тузилади.
Ўзбекистон Республикаси "Маҳаллий давлат ҳокимияти тўғрисида"ги Қонунининг 6, 24-моддалари, Бюджет кодексининг 99-моддаси, Ўзбекистон Республикасининг "2023 йил учун Ўзбекистон Республикасининг Давлат бюджети тўғрисида"ги Қонуни ва халқ депутатлари Наманган вилояти Кенгашининг 2022 йил 30-декабрдаги VI-35-165-6-0K/22-сон қарорига мувофиқ ҳамда Наманган вилояти ҳокимлигининг молия бош бошқармасининг2022 йил30-декабрдаги 01-14/20-01-32Ғ2688-сонли хатини инобатга олиб, халқ депутатлари Косонсой тумани Кенгаши
ҚАРОР ҚИЛАДИ:
- Ўзбекистон Республикасининг "2023 йил учун Ўзбекистон Республикасининг Давлат бюджети тўғрисида" ги Қонуни ва халқ депутатлари Наманган вилояти Кенгашининг 2022 йил 30-декабрдаги VI-35-165-6-0K/22-сон қарори ижро ва раҳбарлик учун қабул қилинсин.
Тарихга айланган 2022 йил сўнггида Ўзбекистон Респуб-ликаси Президенти Шавкат Мирзиёев анъанавий тарзда Олий Мажлис ва Ўзбекистон халқига Мурожаатнома йўллади. Юртбошимизнинг Мурожаатномаси мамлакатимиз миллий ривожланишнинг янги босқичга дадил қадамлар билан ўтаётганлигини ва бу борада амалга оширилаётган ислоҳотлар инсон манфаатларини таъминлашга қаратилганлигини яна бир бор намойиш этди. Менимча, ҳар бир ўзбекистонлик мазкур Мурожаатномани алоҳида диққат-эътибор билан тинглади, интернет ҳамда босма оммавий ахборот воситалари орқали эълон қилинган мазкур муҳим ҳужжат матнларини ўқиб чиққанлар ҳам бисёр. Зеро, унда сўнгги йилларда амалга оширилган ишлар сарҳисоб қилиниши билан бирга, янги 2023 йилга ва ундан кейинги йилларга мўлжалланган режалар батафсил баён этилган.
Мурожаатномада халқимиз соғлиғини сақлаш, одамларни касб-ҳунарли қилиш, уларнинг бизнесига кенг йўл очиш, ҳақиқий мулкдор бўлиб, даромад топишлари учун зарур шароитларни яратиш, таълим ва иқтисодиёт йўналишларида кенг кўламли ишлар белгиланиб, 2023 йилнинг юртимизда "Инсонга эътибор ва сифатли таълим йили", деб эълон қилиниши жонажон Ўзбекистонимизда яшаётган ҳар бир фуқарода келажакка ишонч ва ифтихор туйғусини кучайтиради, албатта!
Мамлакатимиз сарҳадларининг дахлсизлиги ва ҳудудий яхлитлигини сақлаш, эл-юртимизнинг осуда ҳаётини ишончли ҳимоя қилишга қодир, замонавий қурол-аслаҳа ва техника билан таъминланган, яхши тайёрланган ва бугунги кун талабларига тўлиқ жавоб берадиган, сон жиҳатидан ихчам ва ҳаракатчан Қуролли Кучларни вужудга келтириш - Ўзбекистонимизнинг буюк келажагини барпо этиш йўлидаги энг муҳим вазифаларимиздан биридир.
Бош Қомусимиз ҳисобланган Конституциямизда Ватанни ҳимоя қилиш Ўзбекистон Республикаси ҳар бир фуқаросининг бурчи эканлиги белгиланган.
Юртимизда мана шу муқаддас бурчни ўташга қодир мард, жасоратли, метин иродали ёш авлодни шакллантиришга алоҳида эътибор қаратилаётганлигидан, сарҳадларимиз дахлсизлиги эса ишончли қўриқланаётганидан кўнгилларимиз тўқ.
Ўзбекистон Республикаси Президентининг 2018 йил 7 июндаги "Ҳар бир оила - тадбиркор" дастурини ҳаётга тадбиқ этиш борасида жорий йилнинг 5 ойи давомида туманимиз бўйича бир қатор ишлар амалга оширилди. Хусусан, бўлимиз томонидан Савдо саноат палатаси туман бўлими, тижорат банклари ва бошқа тегишли мутасадди ташкилотлар билан ҳамкорликда "Тадбиркорлик фаолияти асослари" мавзусида аҳоли ўртасида тадбирлар ўтказилди.
Дастур ижросини таъминлашда биринчи навбатда кам таъминланган оилалар рўйхатини тўлиқ шакллантириш ва камбағалликдан чиқариш масаласига эътибор қаратилди. Бу борада аҳолининг эҳтиёжманд қатламига амалий ёрдам кўрсатиш масаласида доимий мониторинг олиб борилмоқда. Шунингдек, тадбиркорларга услубий қўлланмалар, кўрсатма ва тарқатма материаллар берилмоқда.
Янгиланаётган Ўзбекистон шароитида сўз эркинлигини таъминлашга Президент даражасида эътибор кучайтирилмоқда. Давлатимиз раҳбари журналист ва блогерлар билан юзма-юз мулоқотлар чоғида соҳа ходимларини ҳар томонлама қўллаб-қувватлашини алоҳида таъкидлар экан, жамиятдаги ютуқларни эътироф этиш билан бирга, камчиликларни рўйи-рост кўрсатишга бизларни даъват қилмоқда. Ҳали ҳанузгача янгича сиёсатни тўла англаб етмаган ва эскича услубда ишлашни хуш кўрадиган амалдорлар билан эса муросасиз бўлишга ундаяпти. Мақсад, ҳаётимиздаги бугунги улкан ўзгаришлар, ислоҳотларда ОАВнинг ролини оширишдан иборатдир.
Маҳалла халқимизнинг кўп асрлик тарихий ва азалий қадриятларидан бири. У қадимдан одамларни бирлаштирган, ҳамжиҳатликда яшашга, ҳаётий муаммоларни баҳамжиҳатликда ҳал этишга кўмаклашиб келган. Айниқса, ижтимоий-маънавий муҳитни соғломлаштиришда, ёшлар тарбиясида маҳалланинг аҳамияти беқиёс.
Ўзбекистон порлоқ тараққиёт йўлидан олға интилаётган ҳозирги даврда фуқароларнинг ўзини-ўзи бошқариш органлари жамиятни ривожлантиришда катта роль ўйнамоқда. Масалан, камбағалликни қисқартириш муаммосини олайлик. Президентимиз ташшабуси билан айни вақтда мамлакатнинг барча маҳалаларида ҳоким ёрдамчилари фаолият кўрсатмоқда.
МУНОСИБ НОМЗОДГА ОВОЗ БЕРАМАН
Мамлакатимизда ёши улуғ инсонларга, ногирон ва имконияти чекланганларга алоҳида ғамхўрлик кўрсатилмоқда. Ёши ўтди деб четга сурмай, аксинча, сиёсий жараёнларда уларнинг тажрибаси, фикри ва маслаҳатига ҳурмат билан қаралмоқда. Президент сайлови мамлакатимизнинг бугуни ва келажаги учун энг муҳим сиёсий воқеадир.
Сайловолди тадбирлар, хусусан, сайлов ва инсон ҳақ-ҳуқуқлари ҳақида ўтказилган тадбирларда жуда қизиқиб иштирок этдик. Бу сиёсий жараён бизни фаолликка ундади.
Барчамиз пандемия шароитида яшашга кўникиб қолдик. Сабаби, ҳозирча пандемиядан қачон бутунлай холос бўлиш ёки КОВИД-19нинг яна қандай ривожланишини ҳеч ким аниқ-тиниқ башорат қила олмайди. Муҳими, кутилмаган балога қарши курашнинг энг таъсирчан услублари амалда қўлланиляпти. Айниқса, аҳолини тождор вирусга қарши ялпи эмлаш - пандемияга қарши курашдаги энг муҳим тиббий муолажа сифатида эътироф этилмоқда. Буни халқаро ва миллий тажриба яққол кўрсатиб турибди.
Президент сайловига қизғин ҳозирлик кўраётган Ўзбекистонда ҳам сайловни юртдошларимизнинг саломатлиги қатъий муҳофаза қилинган ҳолда, хавф-хатардан холи, миллий сайлов қонунчилигимиз ва умумэътироф этилган халқаро сайлов стандартларига биноан ҳамда карантин талаблари асосида очиқ-ошкора ўтказиш учун барча шарт-шароит яратилмоқда, десак айни ҳақиқатни айтган бўламиз.
Савол: - Сайловда овоз бериш учун сайловчида ўзининг шахсини тасдиқловчи ҳужжати бўлиши керакми?
Жавоб: - Ҳа, бўлиши шарт. Овоз бериш биносига келгач, сайловчи сайлов комиссиясининг аъзосига ўз шахсини тасдиқловчи ҳужжатни кўрсатади.
Участка сайлов комиссияси аъзоси сайловчининг шахсини тасдиқловчи ҳужжати асосида унинг сайловчилар рўйхатидаги маълумотларини текширади, унга овоз бериш учун сайлов бюллетенини имзо қўйдириб топширади.
Савол: - Хорижий давлатларда турган фуқаролар сайловчилар рўйхатларига қандай киритилади?
Жавоб: - Ўзбекистон Республикасининг чет давлатлардаги дипломатик ва бошқа ваколатхоналари ҳузурида тузилган сайлов участкаларида сайловчиларнинг рўйхатлари мазкур муассасалар раҳбарлари томонидан тақдим этилган маълумотлар асосида тузилади.
Мозийга бир назар
Фойдали ҳаволалар
