Китоб мутолааси инсон фикрини чархлайди, туйғуларни тарбиялайди. Шу боис ҳам китобни қалбни ёритувчи нурга қиёслаймиз. Бу борада бир қанча китоблар жамланган кутубхонанинг қитмматини таърифлаш шарт эмас.
КУРОРТ КУТУБХОНА
Тасаввур қилинг: кутубхонадан керакли китобни танладингиз. Кўчага чиқиб, дарахт остида ўтириб, уни ўқий бошладингиз. Шу онда ёнингиздаги бассейнда чўмилишингиз, дарахт соясида миз-ғиб олишингиз ҳам мумкин. Бу фантастика дейсизми? Йўқ, бу ҳақиқат.Таиланддаги The Library Resort номли кутубхона-меҳмонхона ана шундай шароитларга эга. Ушбу кутубхона дам олиш вақтида ҳам китобсиз яшай олмайдиганлар учун қурилган.
БИЛИМЛАР ҚУЁШИ
Мисрда жойлашган қадимий Александрия шаҳрининг машҳур кутубхонаси ўрнига қурилган етти қаватли Искандар кутубхонасининг биноси қуёш дискини эслатади. У Ўрта ер денгизи ортидан кўтарилаётган қуёшнинг айнан рўпарасида жойлашган.
КАМАЛАК КУТУБХОНАСИ
Сингапурда жойлашган Bishan кутубхонаси деворлари рангли ойналар билан безатилган бўлиб, бу китобхонларга яхши кайфият бағишлайди. Ташқи тарафдан ҳам, ичкаридан ҳам жуда чиройли кўринадиган кутубхонада китобхонлар муҳокамаси учун махсус хона мавжуд.
ЕР ОСТИ КУТУБХОНАСИ
Нью-Йорк шаҳридаги 50 th street метро бекатида йўловчилар учун кутубхона очилган. Китобхонлар ушбу кутубхонадан ишга ёки уйга кетаётганда ўзларига ёқадиган китобларни топиши мумкин.
ЭНГ КИЧИК КУТУБХОНА
Оддий телефон буткасида жойлашган миникутубхонадан Англиянинг Сомерест графлиги аҳолиси 24 соат мобайнида фойдаланиши мумкин. Бу ерда CD, DVD дисклари ва 100 дан ортиқ китоб мавжуд. Ҳозирги кунда Англияда 350дан ортиқ ана шундай кутубхона фаолият юритмоқда.
Интернет хабарлари асосида
тайёрланди.
