12 ёшли британиялик мактаб ўқувчиси Николь Барр ўзининг ақлий истеъдод коэффициенти кўрсаткичи бўйича Альберт Эйнштейн ва Стивен Хокингни икки баллга ортда қолдирди. Унинг ақлий истеъдод коэффициенти кўрсаткичи 162 баллни ташкил этди, деб хабар беради «РИА Новости».

Бундай кўрсаткич Николни сайёранинг энг ақлли кишилари билан бир қаторга қўяди.

«У жуда, жуда меҳнатсевар. Дарслардан сўнг узайтирилган ўқув машғулотларига қатнашади ва шу кунгача бирор кунни қолдирмади», — дейди қизнинг онаси. Унинг сўзларига қараганда, Николь келажакда болалар шифокори бўлишни режалаштирган.

Манбада таъкидланишича, катта одамнинг ўртача ақлий истеъдод коэффициенти кўрсаткичи 100 баллни ташкил этади. 140 баллдан юқори кўрсаткичга эришган киши эса даҳо саналади.

Манба: daryo.uz